​តារាចម្រៀង Taylor Swift ដែល​គេ​ប្រសិទ្ធ​នាម​ឈ្មោះថា ជា​នារី​ល្មោភកាម និង​យក​ស្នេហា​ដឹកមុខ សម្រាប់​វិស័យ​ឧស្សាហកម្ម​កម្សាន្ត​នោះ បាន​ធ្វើ​ជា​អ្នក​ផ្គូរ​ផ្គង​តារាចម្រៀង​ខូចចិត្ត Selena Gomez ជាមួយនឹង Niall ( One Direction ) ខណៈ​ដែល​នាង​កំពុង​មាន​ជំងឺ​ម្យ៉ាង​ដែល​គេ​ហៅថា ជំងឺ​ឆ្កែចចក ។​

​បន្ទាប់​ពី Selena Gomez និង Justin Bieber បាន​បែក​គ្នា មិត្ត​ជិតស្និទ្ធ​របស់​នាង Selena Gomez កញ្ញា​ល្មោភកាម Tylor Swift បាន​នឹង​កំពុង​ធ្វើ​ជា​មេ​អណ្តើក ផ្គូរ​ផ្គង សមាជិក One Direction តារាចម្រៀង Nial នេះ​បើ​យោងតាម​ប្រភព​ដែល​បង្ហើប​ប្រាប់​ដល់​ទំព័រ HLife ។​

​មិន​ត្រឹមតែ​ប៉ុណ្ណោះ​ទេ ផែនការ​ផ្គូរ​ផ្គង់​នេះ វា​ដូចជា​លូតលាស់ ខណៈ​ដែល Selena Gomez និង Nial បាន​ដឹក​ដៃ​គ្នា​ចូលរួម​កម្មវិធី​ប្រគុំ​តន្ត្រី​របស់ Katy Perry នៅ​ថ្ងៃ​កន្លងទៅ​។​
​ក្នុងនោះ​ដែរ​គេ​ឃើញ តារាចម្រៀង​ទាំងពីរ ល្អូកល្អើន​នឹង​គ្នា ដោយ​ទំនាក់ទំនង​សម្តី​ជាមួយ​នឹង​គ្នា​រហូត ។ មូលហេតុ​ដែល​ធ្វើឲ្យ Taylor ព្យាយាម​ធ្វើ​មេអណ្តើក​នេះ​ដោយសារ​តែ​ចង់​ឲ្យ​មិត្ត​ជិតស្និទ្ធ របស់​នាង នៅ​ឆ្ងាយ ពី​តារា​ចម្រៀង​ស្នេហា ហេងស៊យ ដូច​ភ្លើងស្តុប​ថ្នល់ Justin Bieber ។​

​ប្រភព​បាន​បន្តថា Taylor ដឹងថា វា​ពិបាក​ណាស់ សម្រាប់ Selena Gomez បំភ្លេច Justin បាន​ទាំងស្រុង ក៏ប៉ុន្តែ​យើង​នឹង​ព្យាយាម​ធ្វើ​តាម​លំដាប់លំដោយ ធ្វើយ៉ាងណា​ឲ្យ Selena Gomez សម្បាយ​ចិត្ត ។​
​បញ្ជាក់​ផង​ដែរ​ថា កាលពី​ខែ មករា កន្លងទៅ ក៏​មាន​ពាក្យ​ច​ចាម​អារាម​ថា នាង Selena Gomez មាន​ទំនាក់ទំនង​ស៊ីជម្រៅ ជាមួយនឹង Nial ដោយ​គេ​ឃើញ​ថើប​គ្នា​ទៀត​ផង ក៏​ប៉ុន្តែ​ក្រោយមក​ព័ត៌មាន​នេះ បាន​រសាយ ៕​
https://i1272.photobucket.com/albums/y389/domneng/3%20lady/2014-05-30_115756_zpsfe017296.png