ព្រឹកថ្ងៃទី ៣០ ខែឧសភា ឆ្នាំ ២០១៤ នៅមជ្ឈមណ្ឌលអភិវឌ្ឍន៍សង្គមពោធិ៍សែនជ័យ ឯកឧត្តម កែវ បូរេន្ទ្រ អនុរដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងថា ការបណ្តុះបណ្តាលវិជ្ជាជីវៈ
និងផ្តល់ឱកាសការងារសមស្របដល់ជនពិការមិន ត្រឹមតែធ្វើឲ្យជីវភាពរស់នៅរបស់ជនពិការ និងគ្រួសារបានប្រសើរឡើងប៉ុណ្ណោះទេ ប៉ុន្តែជា ការរួមចំណែកយ៉ាងសំខាន់ ក្នុងការកាត់បន្ថយភាពក្រីក្ររបស់ប្រជាជន និងលើកកម្ពស់ ខឿនសេដ្ឋកិច្ចជាតិផងដែរ ។ ម្យ៉ាងវិញទៀត ក៏បានបង្ហាញឲ្យឃើញពីសមត្ថភាពរបស់ជន ពិការ និងឆ្លើយតបបានយ៉ាងសក្តិសមទៅនឹងពាក្យស្លោកដែលថា «សូមមើលឃើញសមត្ថ ភាពជនពិការ ប្រសើរជាងមើលឃើញតែពិការភាព» ។
ឯកឧត្តមអនុរដ្ឋលេខាធិការមានប្រសាសន៍បន្ថែមទៀតថា ដោយមានកិច្ចសហការ យ៉ាងជិតស្និទ្ធរវាងក្រសួង ស្ថាប័នជំនាញរបស់ រាជរដ្ឋាភិបាល និងអង្គការពាក់ព័ន្ធគួបផ្សំ នឹងការជួយឧបត្ថម្ភគាំទ្រពីដៃគូអភិវឌ្ឍន៍នានា យើងសម្រេចបានលទ្ធផលគួរឲ្យកត់សម្គាល់ ក្នុងការជួយដល់ជនពិការ ពិសេសលើវិស័យបណ្តុះបណ្តាលវិជ្ជាជីវៈ និងរកការងារធ្វើជូន ជនពិការ ។
ជាក់ស្តែងលើការងារបណ្តុះបណ្តាលនេះ គិតចាប់តាំងពីឆ្នាំ ១៩៨៧ រហូតមក ដល់បច្ចុប្បន្នយើងបានបណ្តុះបណ្តាលវិជ្ជាជីវៈ និងមុខជំនាញជូនជនពិការចំនួន ១៦.៦១៧ នាក់ ក្នុងនោះជនពិការប្រមាណ ៦៥% មានមុខរបរផ្ទាល់ខ្លួន និងបានចូលបម្រើការងារ តាមក្រសួង ស្ថាប័នរដ្ឋ និងឯកជនទៀតផង ។
ឯកឧត្តម កែវ បូរេន្ទ្រ បានបញ្ជាក់ថា ក្នុងរយៈពេលពីរឆ្នាំ (២០១១-២០១២) កន្លងទៅ ដោយមានការខិតខំរបស់ក្រសួងសង្គមកិច្ច អតីតយុទ្ធជន និងយុវនីតិសម្បទា និងមានកិច្ច សហការយ៉ាងជិតស្និទ្ធពីក្រសួងស្ថាប័នពាក់ព័ន្ធ ជនពិការចំនួន ១.៤៦៨ នាក់ (ស្មើនឹង ០,៧៨%) ត្រូវបានក្រសួងស្ថាប័នរដ្ឋទាំង ៣២ ទទួលយកចូលបម្រើការងារ ។ ឯកឧត្តម កែវ បូរេន្ទ្រ បានបញ្ជាក់បន្ថែមទៀតថា រាជរដ្ឋាភិបាលកម្ពុជាបានបន្តជំរុញឲ្យក្រសួង ស្ថាប័ន អង្គការមិនមែនរដ្ឋាភិបាល អង្គការអន្តរជាតិ និងផ្នែកឯកជននានាផ្តោតការ យកចិត្តទុក ដាក់ដល់កិច្ចការពារ និងលើកកម្ពស់សិទ្ធិជនពិការ ពិសេសការផ្តល់សេវាស្តារលទ្ធភាព ពលកម្មកាយសម្បទា ដល់ជនពិការ ការបណ្តុះបណ្តាលវិជ្ជាជីវៈ មុខជំនាញ និងការពង្រឹង សមត្ថភាពរបស់បងប្អូនជនពិការ ប្រកបដោយគុណភាព ដើម្បីឲ្យបងប្អូនជនពិការមានលទ្ធ ភាពប្រើប្រាស់សម្បទារបស់ខ្លួនចូលរួម ក្នុងការអភិវឌ្ឍសេដ្ឋកិច្ចគ្រួសារ ក៏ដូចជាចូលរួមក្នុង ការអភិវឌ្ឍសង្គម ។ ទន្ទឹមនឹងនេះរាជរដ្ឋាភិបាលបន្តយកចិត្តទុកដាក់ដល់ការធ្វើសមាហរ ណកម្មជនពិការទៅក្នុងសង្គម ដើម្បីបង្កឱកាសឲ្យបងប្អូនពិការបានចូលរួមពេញលេញ និង ស្មើភាពនៅក្នុងសង្គម និងបន្តជំរុញវិធីសាស្ត្រជួយជនពិការ ដែលផ្អែកលើជំនួយមនុស្សធម៌ ទៅជារបៀបជួយជនពិការ ដោយផ្អែកលើសិទ្ធិមនុស្ស និងការកសាងសមត្ថភាពជនពិការ វិញ ព្រោះការពឹងផ្អែកលើជំនួយមនុស្សធម៌មិនអាចនាធានិរន្តរភាពក្នុងការផ្តល់សេវាជូន ជនពិការបានឡើយ ។
ម្យ៉ាងទៀតបងប្អូនជនពិការមិនចង់រស់នៅដោយការពឹងពាក់ ឬ ដោយសារជំនួយជារៀងរហូតដែរ តែជនពិការចង់មានមុខជំនាញ ការងារ និងមុខរបរសម រម្យ ដើម្បីអាចរស់នៅដោយភាពឯករាជ្យ ម្ចាស់ការផ្អែកលើសិទ្ធិរបស់ខ្លួន ។ ផ្អែកលើ ទស្សនៈនេះហើយ ដែលរាជរដ្ឋាភិបាលបានបង្កើនការចូលរួមថវិកាបដិភាគលើវិស័យពិការ ភាព និងស្តារលទ្ធភាពពលកម្ម ហើយបង្កើនការចំណាយ លើវិស័យសង្គមកិច្ចជារៀងរាល់ ឆ្នាំសំដៅលើកស្ទួយសុខុមាលភាពជនពិការ និងក្រុមជនងាយរងគ្រោះទូទាំងប្រទេស ៕
មតិយោបល់