អង់គ្លេស៖ ខ្សែបម្រើរបស់តោខៀវលោក Frank Lampard បានបង្ហើបឲ្យដឹងថា គាត់ប្រឈមមុខនឹងអនាគតមិនច្បាស់លាស់នោះទេ ប៉ុន្តែ ខ្លួននឹងបន្តអាជីពលេងរបស់ខ្លួន។
កីឡាករ Frank Lampard នឹងចាកចេញពីក្លិបតោខៀវ នៅចុងខែ មិថុនា ស្របពេលដែលកុងត្រារបស់ខ្លួននឹងផុតកំណត់ ខណៈដែលបញ្ហាកុងត្រាថ្មី នៅមិនទាន់យល់ព្រមពីក្លិបនៅឡើយ។
តារាបាល់ទាត់វ័យ ៣៥ឆ្នាំ បានថ្លែងឲ្យដឹងថា បំណងប្រាថ្នាបន្ទាប់របស់ខ្លួន ចង់លេងបន្តនៅ ពហុកីឡដ្ឋាន Stamford Bridge ប៉ុន្តែវាមើលទៅទំនងជាការរៀបចំរបស់ Jose Mourinho តម្រូវឲ្យខ្លួនចាកចេញដូចទៅនឹង Ashley Cole ។
Frank Lampard បានចំណាយពេល ១៣ ឆ្នាំ នៅទីក្រុងឡុងដ៏ ដោយលេងឲ្យតោខៀវ ដោយការសម្រេចចិត្តនេះ ជារឿងមួយធ្វើឲ្យ គាត់អន់ចិត្តណាស់ ប៉ុន្តែប្រធានក្រុមអង់គ្លេសរូបនេះ នឹងមិនបង្ខំឲ្យចូលនិវត្តន៍ឡើយ។
គាត់បានប្រាប់ដល់ The Sun ថា “ខ្លួនមិនដឹងថា អាចនឹងមានឱកាសនៅបន្តលេងនៅ តោខៀវឬយ៉ាងណា”៕
មតិយោបល់