អ៊ីតាលី៖អគ្គនាយករបស់ក្លិបសេះបង្កង់ Juventus លោក Beppe Marotta បាននិយាយជាសាធារណៈថា ក្លិបបានចាប់អារម្មណ៍ទៅលើ កីឡាករ Alexis Sanchez ក៏ប៉ុន្តែមិនបានសង្កត់ធ្ងន់ទៅលើការពិភាក្សា ណាមួយ ជាមួយនឹងក្លិប Bacelona នៅឡើយ។
ក្លិប សេះបង្កង់ Juventus នៅរដូវកាលមុននេះ បានធ្វើរឿងដ៏ល្អ ដោយក្លាយជាម្ចាស់ពានរង្វាន់ ក្របខណ្ឌ Serie A ក៏ប៉ុន្តែអ្វីដែលគេត្រូវការធ្វើបន្ទាប់គឺ ការទទួលបាននូវសម្មិតិផល ពីការប្រកួត នៅ អឺរ៉ុប។
Marotta បានប្រាប់ដល់ Mundo Deportivo កាលពីថ្ងៃព្រហស្បត្តិ៍ថា “កីឡាករ Sanchez គឺជាអ្នកលេងដ៏ល្អ ហើយ Juventus ពេញចិត្ត” ។ លោកបានបន្តថា នៅទីនេះមានតែពាក្យថាពេញចិត្ត ដោយមិនទាន់បានពិភាក្សានៅឡើយនោះទេ បើសិនជាឈានដល់ការពិភាក្សាយើងនឹងប្រកាស ។
ទន្ទឹមជាមួយនឹងគ្នានេះដែរ កីឡាករខ្សែបម្រើ Arturo Vidal ដែលជាគន្លឺះដ៏សំខាន់របស់ក្លិបនេះ ត្រូវបាន Real Madrid កំពុងបោះទុនចង់បាន តែទោះជាយ៉ាងណា លោក Marotta បានអះអាងថា Real Madird បានត្រឹមតែសម្លឹង និង សរសើរលើកីឡាកររូបនេះតែប៉ុណ្ណោះ ៕
មតិយោបល់