​បារាំង​៖​យោង​តាម​សារព័ត៌មាន Mail Online បានឲ្យដឹងថា ខ្សែ​ប្រយុទ្ធ Edinson Cavani របស់​ក្លិប Paris Saint-Germain បាន​ធ្វើ​ការច្រានចោល​សំណើរ ពី​ក្លិប បិសាច​ក្រហម Manchester United ដែល​ហាន​ចាយ​លុយ​ធំ​លើ​ខ្លួន ។​
​កីឡាក​រវ័យ ២៧​ឆ្នាំ មាន​ទំនាក់ទំនង​ជាមួយ​នឹង ទឹកដី Old Trafford ប៉ុន្តែ សារព័ត៌មាន​បារាំង L’Equipe បាន​ថ្លែងឲ្យដឹងថា កីឡាករ​រូបនេះ​នឹង​មិន​អាច​ទៅ​លេង​នៅ បិសាច​ក្រហម ដោយ​បន្ត​លេង​នៅ​ក្លិប PSG ដដែល​។​

​សារព័ត៌មាន​ខាង​លើ​បាន​អះអាងថា ពីមុន​កីឡាករ Cavani មិន​សប្បាយចិត្ត​ជាមួយ​នឹង​មុខងារ​លេង​នៅ ក្លិប PSG ប៉ុន្តែ​ក្រោយ​ការពិភាក្សា ជាមួយនឹង​ក្លិប ក៏​សម្រេចចិត្ត បន្ត​លេង​នៅ Parc des Princes ។​
​កីឡាករ​សញ្ជាតិ​អ៊ុយ​រ៉ូ​ហ្គាយ នៅ​រដូវ​កាល​កន្លង​ទៅនេះ បាន​ស្វែងរក​គ្រាប់​បាល់​ឲ្យ PSG បាន​ចំនួន ២២ គ្រាប់ ក្នុងចំណោម ៣៩ ប្រកួត ដោយ​ជួយ​ឲ្យ​ក្លិប​លើ​កពាន លី​ក​ក្នុងស្រុក ។​
​បញ្ជាក់​ផង​ដែរ​ថា Cavani បាន​កុងត្រា​ជាមួយនឹង ក្លិប PSG ៥ ឆ្នាំ ក្នុងតម្លៃ ៥៥ លាន​ផោន បន្ទាប់​ពី​ចាកចេញ​ពី​ក្លិប Napoli កាលពី​ខែ កក្កដា ឆ្នាំ ២០១៣ ៕​

ទស្សនាឃ្លិបដូចខាង​ក្រោមនេះ៖