កាលពីព្រឹកថ្ងៃទី ០៣ ខែ មិថុនា នេះ នៅវិមានរដ្ឋាភិបាលវត្តភ្នំ ក្រុមប្រឹក្សាអភិវឌ្ឍន៍កម្ពុជា (CDC) និងក្រសួង-ស្ថាប័នពាក់ព័ន្ធបានបើក កិច្ចប្រជុំ ពិភាក្សាលើវឌ្ឍនភាព បញ្ហាប្រឈម និងយន្តការក្នុងការដោះស្រាយបញ្ហា ប្រឈមពាក់ព័ន្ធ នឹងការងារផ្លូវដែក និងកិច្ចសន្យា សម្បទានផ្លូវដែកក្នុងក្របខណ្ឌ នៃការជំរុញ ការអនុវត្ត គម្រោងអភិវឌ្ឍន៍ផ្លូវដែក ក្រោមអធិបតីឯកឧត្តម គាត ឈន់ ឧបនាយករដ្ឋមន្ត្រីប្រចាំការ ។
កិច្ចប្រជុំខាងលើបានធ្វើការពិភាក្សា លើបញ្ហាចំនួនពីរ រួមានៈ ១-គម្រោងស្តារផ្លូវ ដែកកម្ពុជា ក្រោមគម្រោងហិរញ្ញប្បទានរបស់ធនា គារអភិវឌ្ឍន៍អាស៊ី (ADB) ដែលផ្តោតលើកិច្ចសន្យាស្តារផ្លូវដែកនិរតីទិស (ភ្នំពេញ-ខេត្តព្រះសី ហនុ) និងការប្រើប្រស់ថវិកា ដែលនៅសល់សម្រាប់ការងារស្តារផ្លូវដែកខ្សែនិរតីទិស ។ ២-ការ អនុវត្តនឹងបញ្ហាប្រឈម ទាក់ទងនឹងកិច្ចសន្យាសម្បទានផ្លូវដែកជាមួយក្រុមហ៊ុនសម្បទានិក ។
កិច្ចការអភិវឌ្ឍផ្លូវដែកនេះមានភាពចាំបាច់ក្នុងការឆ្លើយ តបទៅនឹងតម្រូវការរបស់វិស័យឯកជន ក្នុងការដឹកជញ្ជូនអ្នកដំណើរ និងទំនិញក្នុងប្រទេស និងក្នុងក្របខណ្ឌនៃការតភ្ជាប់ក្នុងតំបន់អាស៊ាន និងជាមួយប្រទេសដែលជាដៃ គូពាណិជ្ជកម្ម របស់អាស៊ានដូចជាប្រទេសចិនជាដើម ។ ការជំរុញការអភិវឌ្ឍផ្លូវដែកទាមទារឲ្យមានការកំ ណត់អំពីផែនការមេដែល ជាកម្រិតនយោបាយ និងការកំណត់អំពីកិច្ចប្រតិបត្តិការ ដែលជាកិច្ច ការបច្ចេកទេសក្នុងការអនុវត្តផែនការមេនេះ ។
ឯកឧត្តមឧបនាយករដ្ឋមន្ត្រី គាត ឈន់ ក៏បានណែនាំឲ្យថ្នាក់ដឹកនាំក្រសួង ស្ថាប័ន ពាក់ព័ន្ធឲ្យបន្តប្រឹងប្រែងទាំងអស់គ្នា និងបន្តប្រកាន់ខ្ជាប់នូវភាពជាម្ចាស់ការលើកិច្ចការអភិវឌ្ឍ ផ្លូវដែកដ៏មានសារសំខាន់នេះ និងត្រូវគិតគូរឲ្យបានច្បាស់លាស់ ពីផលចំណេញក្នុងការសិក្សា និងចរចាកិច្ចសន្យាសម្បទានផ្លូវដែកជាមួយវិស័យឯកជនផងដែរ៕
មតិយោបល់