នីហ្សេរីយ៉ា៖សោកនាដកម្មមួយបានកើតឡើងនៅ នីហ្សេរីយ៉ា នៅក្នុងការប្រកួតបាល់ទាត់ ថ្នាក់ជាតិបណ្ដាលឱ្យមានមនុស្សជាង ៤០នាក់បាត់បង់ជីវិត ។ សារព័ត៌មាន News24 បានផ្សព្វ ផ្សាយថា បណ្ដាយន្ដហោះទម្លាក់គ្រាប់ បានវាយលុកទៅលើស្រុកមូប៊ី រដ្ឋអាដា ម៉ាវ៉ា នាពេលយប់ ។ ប្រភពព័ត៌មានពី កម្លាំងយោធាបានឱ្យដឹងថា ចំនួនអ្នក ស្លាប់មិនពិតប្រាកដនោះឡើយ ប៉ុន្ដែ សាកសពជាច្រើនត្រូវបានគេរកឃើញ នៅកន្លែងលើតហេតុ ។
ក្នុងពេលជាមួយគ្នានោះ សារព័ត៌ មានក្នុងតំបន់បានផ្សព្វផ្សាយថា ការ វាយប្រហារសម្ដៅទៅលើពលរដ្ឋដែល គាំទ្របាល់ទាត់នៅពហុកីឡដ្ឋាន ស្ថិតនៅ ភាគឦសាននីហ្សេរីយ៉ា ជាតំបន់ដែល មានអសន្ដិសុខបំផុតបណ្ដាលឱ្យមានអ្នក ស្លាប់ជាង៤០នាក់ កាលពីថ្ងៃទី១មិថុនា។ មន្ដ្រីប៉ូលិសស្រុកមូឌីបាននិយាយទៅ កាន់សារព័ត៌មាន AFP ថា មានការ បំផ្ទុះគ្រាប់បែកកាលពីថ្ងៃទី១មិថុនា សម្លាប់មនុស្សជាង៤០នាក់ ។
ការ ប្រកាសរបស់មន្ដ្រីរូបនោះ មិនទាន់ បញ្ជាក់ពីការពិតនោះឡើយ ហើយមន្ដ្រី ប៉ូលិសរូបនោះ សូមមិនបញ្ចេញឈ្មោះ។ ចំណែកក្រុមគ្រូពេទ្យក៏មិនទាន់បានផ្ដល់ តួលេខច្បាស់លាស់ស្ដីពីអ្នកស្លាប់និងរង របួសនោះដែរ ។
ស្រុកមូប៊ី ស្ថិតក្នុងនៅក្នុងច្បាប់ អាសន្នរយៈពេលជាង៥ឆ្នាំកន្លងមកដោយ សារតែកម្លាំងទាហានបានបើកយុទ្ធនា ការបង្ក្រាបក្រុមបះបោរបូកូហារ៉ាម ។ មន្ដ្រីប៉ូលិសក្នុងតំបន់បានឱ្យដឹងថា គ្រាប់បែកបានផ្ទុះនៅវេលាម៉ោង១៨និង ៣០នាទី (ម៉ោងក្នុងតំបន់) ថ្ងៃទី១មិថុនា គឺនៅចំចំណុចដែលក្រុមអ្នកគាំទ្រប្រមូល ផ្ដុំគ្នាមើលការប្រកួតបាល់ទាត់។
ទស្សនាឃ្លិបដូចខាងក្រោមនេះ៖
មតិយោបល់