ក្នុងរយ:ពេល ៤ ខែ ដើមឆ្នាំ ២០១៤ នេះទំនិញឆ្លងកាត់កំពង់ផែស្វយ័តក្រុង ព្រះសីហនុមានចំនួន ១.១៨៤.៧០៧ តោន ក្នុងនោះមានទំនិញទូទៅ ទំនិញដាក់ក្នុងកុង តឺន័រ និងប្រេង បើប្រៀបធៀបរយ:ពេលដូចគ្នាពេល ឆ្នាំ ២០១៣ មានការកើនឡើង ១៧.០៣% ។ នេះបើតាមការប្រសាសន៍ឲ្យដឹងពី ឯកឧត្តម ម៉ា ស៊ុនហួត អគ្គនាយករងកំពង់ផែស្វយ័តក្រុងព្រះសីហនុ ។
ក្នុងនោះដែរ ឯកឧត្តម ម៉ា ស៊ុនហួត បានឲ្យដឹងថា ទំនិញដែលដឹកតាមកុងតាន័រ មានចំនួនកើនឡើង ២.៧៧% ប្រេងកើនឡើង ១៤.៥៣% និងទំនិញទូទៅថយចុះ ៥.៥៧% ។ ឯកឧត្តមបន្តទៀតថាមូលហេតុដែលទំនិញទូទៅថយចុះ ដោយសារតែចរាចរណ៍ ទំនិញទាំងនោះ ធ្វើឡើងតាមផែនានា ដូចជាផែ ទំនប់រលក និង ផែម៉ុងឬទ្ធីស្រុកស្ទងហាវ ។
ឯកឧត្តមអគ្គនាយករងបានឲ្យដឹងបន្តទៀតថា ទំនិញនាំចូលមកកាន់កម្ពុជាភាគ ច្រើនមានដូចជាដែក ស៊ីម៉ងត៍ ធ្យូងថ្ម និង ផលិតផលវត្ថុធាតុដើមក្នុងវិស័យឧស្សាហកម្ម កាត់ដេរ ។ ទំនិញនាំចូលជាសម្ភារផ្សេងៗមាន ១០.៣៣៥ តោន គ្រឿងចក្រមាន ១៤.៥៩២ តោន លោហធាតុមាន ៨.៦៩៥ តោន ធ្យូងថ្មមាន ៩.០២២ តោន និងប្រេងមាន ៤១០.៧៩២ តោន ។
បញ្ច្រាសមកវិញ ក្រៅពីការនាំចូល កម្ពុជាក៏បាននាំចេញអង្គរ ចំនួន ៦.៨៥៣ តោនមានការកើនឡើង ក្នុងរយ:ពេលដូចគ្នាជាងឆ្នាំ ២០១៣ ចំនួន ៦.៤៧% ដំឡូងមី ៥១.៥៤៦ តោនកើនឡើង ២៥៦% ទំនិញកុងតឺន័រនាំចេញចំនួន ២៦៦.៨៤៣ តោន កើនឡើង ២៩.៦៥% ។
ឯកឧត្តម បានថ្លែងជាចុងក្រោយថា ការនាំចេញ នាំចូលកើនឡើង ដូច្នេះ បញ្ជាក់ថា សេដ្ឋកិច្ចកម្ពុជាក៏កើនឡើងដូចគ្នា ខណ:វិយោគទុននៅតែបន្តនាំចេញ នាំចូល ផ្អែកលើស្ថេរភាពនយោបាយ៕
មតិយោបល់