នៅក្នុងខែឧសភា ឆ្នាំ ២០១៤ អគ្គនាយកដ្ឋានពន្ធដារប្រមូល និងបង់ប្រាក់ពន្ធចូល ថវិកាជាតិបានចំនួន ៣៦៤ ៧៤១ លានរៀលស្មើនឹង ៩១,២ លានដុល្លារអាម៉េរិក បើប្រៀប ធៀបនឹងចំណូលពន្ធក្នុងខែឧសភា ឆ្នាំ ២០១៣ មានការកើនឡើងស្មើនឹង ២៥,៤% ក្នុង នោះថវិការដ្ឋកើនឡើង ចំនួនស្មើនឹង ៣៦,៧%។
កាលពីថ្ងៃទី ០៤ ខែមិថុនា ឆ្នាំ ២០១៤ ក្រោមអធិបតីភាពឯកឧត្តម គង់ វិបុល ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានពន្ធដារឲ្យដឹងថា ក្នុងរយៈពេល ៥ ខែនៃឆ្នាំ ២០១៤ អគ្គនាយកដ្ឋានពន្ធដារបានប្រមូល និងបង់ពន្ធចូលថវិកាជាតិបានចំនួនស្មើនឹង ៤៥,៧៧% នៃគោលដៅកំណត់ក្នុងច្បាប់ ក្នុងនោះថវិការដ្ឋសម្រេចបានចំនួនស្មើនឹង ៤៨,៤% និង ថវិការដ្ឋបាលថ្នាក់ក្រោមជាតិសម្រេចបានចំនួនស្មើនឹង ២៩,១% ។ ចំនួននេះដែរបើធៀបរយៈពេល ៥ ខែឆ្នាំ ២០១៣ ឃើញថា ការប្រមូលចំណូលពន្ធដារចូលថវិកាជាតិ សម្រាប់រយៈពេល ៥ ខែ ឆ្នាំ ២០១៤ នេះមានការកើនឡើងចំនួនស្មើនឹង ១២,៥% ក្នុងនោះ ថវិការដ្ឋកើនឡើងចំនួនស្មើនឹង ១៤,៦% ។
ក្នុងចំណោមពន្ធដែលកើនឡើងមាន ពន្ធប្រាក់បៀរវត្ស មានចំនួន ៩,២% ពន្ធលើប្រាក់ចំណេញមានការកើន ឡើងប្រ មាណ ១៩,៨% និងអាករលើតម្លៃបន្ថែមមានការកើនឡើងប្រមាណ ៥,៩% និងអាករ ពិសេសកើនឡើងប្រមាណ ៤,៥% ។
ក្រៅពីនេះ ក្នុងនោះ ផ្នែកសេវាហិរញ្ញវត្ថុកើន ឡើងប្រមាណ ២០% ផ្នែកស្ថាបត្យកម្ម និងសំ ណង់កើនឡើងប្រមាណ ៦១,៧% ផលិតភេសជ្ជៈកើនឡើងប្រមាណ ១៥,៨% ផលិត គ្រឿងប្រើប្រាស់កើនឡើងប្រមាណ ២៦៣% ផលិតសម្លៀកបំពាក់កើនឡើង ប្រមាណ ៥៧,៨% ផ្នែកសណ្ឋាគារ និងងផ្ទះ សំណាក់កើនឡើងប្រមាណ៤១,៩% នីហរ័ណអាហរ័ណ កើនឡើងប្រមាណ ១១,៦% ទូរគមនាគមន៍កើនឡើងប្រមាណ ៣,២% ដឹកជញ្ជូន និង ទេសចរណ៍កើនឡើងប្រមាណ ១៨,៨% លក់ភេសជ្ជៈកើនឡើងប្រមាណ ៤៩,៤% ផលិត ថ្នាំជក់កើនឡើងប្រមាណ ១៩,៩% លក់សម្ភារការិយាល័យកើនឡើងប្រមាណ ៤៤,៩% ផលិតម្ហូបអាហារកើនឡើង ប្រមាណ ៩៣,១% អាកាសយានដ្ឋាន និងកំពង់ផែកើនឡើង ប្រមាណ ១២,៣% ផ្នែកលក់គ្រឿងយន្តកើនឡើងប្រមាណ ៤៥,៨% និងលក់គ្រឿងសំ ណង់កើនឡើងប្រមាណ ១៥៧១,៥%៕
មតិយោបល់