ពាក្យថាស្នេហាមួយមាត់ វាមាននិយមន័យច្រើនណាស់ ព្រោះវាអាចធ្វើឲ្យយើងសប្បាយរីករាយ ហើយក៏អាចធ្វើឲ្យយើងមានការឈឺចាប់ផងដែរ។ ជាពិសេសចំពោះអ្នកដែលមានស្នេហាគ្រាដំបូងតែម្តង ប្រសិនបើស្រឡាញ់នណាម្នាក់ហើយ បេះដូងរបស់គេនឹកឃើញតែមនុស្សម្នាក់នោះ, មានអារម្មណ៍ក្តុកក្តួលពេលដែលបានជួបគេម្តងៗ, មានអារម្មណ៍មមើលមមាយ ហើយហ៊ានលះបង់អ្វីគ្រប់យ៉ាងដើម្បីសេចក្តីស្នេហាថែមទៀត។
១. អារម្មណ៍រំភើបក្នុងគ្រាដំបូង
វាគឺជាគ្រាដំបូងដែលអ្នកបានយល់ពីភាពខុសប្លែកគ្នារវាងការស្រលាញ់មនុស្សម្នាក់ និងមនុស្សម្នាក់។ បេះដូងរបស់អ្នកញាប់ញ័រ, ទាំងថ្ងៃទាំងយប់ទន្ទឹងរង់ចាំការតែណាត់ជួបមកដល់, ចង់ឃើញសារ, មានអារម្មណ៍ញាប់ញ័រពេលទទួលទូរស័ព្ទ… អ្នកដឹងថាខ្លួនអ្នកអាចធ្វើអ្វីបានគ្រប់យ៉ាងដើម្បីគេ ដោយគ្មានលក្ខខណ្ឌ។ អារម្មណ៍ជ្រួលច្របល់ក្នុងគ្រាដំបូងតែងតែធ្វើឲ្យអ្នកចង់ចាំរៀងរហូត។ ទោះបីជាលើកក្រោយអ្នកមានស្នេហាជាមួយអ្នកផ្សេងក៏ដោយ អារម្មណ៍ដែលអ្នកមានចំពោះគេមិនដូចអារម្មណ៍កាលគ្រាដំបូងទេ។
២. អនុស្សាវរីយ៍ដែលមិនអាចបំភ្លេចបាន
ដោយសារតែអនុស្សាវរីយ៍ប្រេះស្រាំក្នុងគ្រាដំបូង នៅសេសសល់ដែលអ្នកមិនអាចបំភ្លេចបាន វាហាក់បីដូចជាស្ថិតនៅបាតក្រោមនៃបេះដូង ប៉ុន្តែអ្នកនឹងចងចាំសេចក្តីស្នេហាគ្រប់ពេលទាំងអស់, គ្រប់ដំណើរកំសាន្តទាំងអស់ ឬក៏ស្នាមថើបដំបូងជាមួយនឹងគេ។ គ្មានអ្នកណាអាចស្តីបន្ទោសឲ្យអ្នក ឬក៏ហាមឃាត់អ្នកពីការគិតរឿងអតីតកាលបានដែរពីព្រោះវា គឺជាអ្វីដែលធ្វើឲ្យអ្នកមានក្តីសុខ ជាអារម្មណ៍មួយដែលជួយដល់អ្នកក្នុងពេលក្រៀមក្រំ និងលំបាកចិត្ត។
៣. បេះដូងលោតខុសចង្វាក់ដោយសារតែពាក្យ ៣ ម៉ាត់
ស្នេហាគ្រាដំបូងជាកន្លែងពិសេសមួយសម្រាប់ដាក់ក្នុងបេះដូងរបស់អ្នក។ មានអ្វីៗពិសេសៗជាច្រើនទៀត ដែលអ្នកគ្រាន់តែអាចទទួលបានថា ជាការបង្កើតឡើងគ្រាដំបូង និងមិនអាចប្រៀបធៀបជាមួយអ្នកផ្សេងបាន។ ពាក្យ ៣ ម៉ាត់ (ខ្ញុំស្រលាញ់អ្នក) អារម្មណ៍ពិសេសមួយនេះដូចជាភ្លើងដែលឆេះយ៉ាងសន្ធោសន្ធៅ នៅពេលដែលបានឮពាក្យនេះពីមនុស្សដែលខ្លួនកំពុងស្រឡាញ់។ បេះដូងលោតខុសចង្វាក់ ជាមួយនឹងអារម្មណ៍ខុសក្នុងគ្រាដំបូងពិតជាមិនអាចបំភ្លេចបាន។
៤. មនុស្សទី ១ ដែលគួរឲ្យព្រួយបារម្ភ
នៅពេលអ្នកស្រលាញ់អ្នកណាម្នាក់ អ្នកពិតជាមានការចាប់អារម្មណ៍នឹងចរិកលក្ខណៈរបស់គេ, ចង់ស្វែងយល់ពីអារម្មណ៍របស់គេ, ព្យាយាមសិក្សាអំពីខ្លួនគេឲ្យបានច្រើនតាមដែលអាចធ្វើទៅបាន។ ពិតណាស់មនុស្សដំបូងតែងតែចង់ប្រាប់ហេតុផលដល់អ្នកឲ្យបានដឹងថាអ្នកអាចធ្វើអ្វីៗ ជាច្រើនដើម្បីយល់ពីគេឲ្យបានច្រើន។ ឧទាហរណ៏៖ ចង់ស្គាល់ពីមិត្តចាស់របស់គេ ហើយអាចស្វែងព័ត៌ផ្សេងៗដែលពាក់ព័ន្ធខ្លួនគេនៅលើបណ្តាញសង្គមផងដែរ។ នេះប្រាកដជារឿងមួយដែលសាមញ្ញបំផុតឲ្យតែអ្នកបានដឹងច្បាស់ពីចំណុចបញ្ចប់នៃការនៅម្នាក់ឯង, មិនជ្រៀតជ្រែកខ្លាំងពេក ឬក៏ចូលរួមចំណែកច្រើនពេកក្នុងរឿងអតីតកាល។ បើទោះបីជាមានការបែកបាក់គ្នាក៏ដោយ រូបភាពរបស់នោះអ្នកនៅតែចងចាំបានយ៉ាងច្បាស់ក្នុងចិត្តជានិច្ច។
៥. ការឈឺចាប់លើកដំបូង
ស្នេហាគ្រាដំបូងជាធម្មតាពេញទៅដោយក្តីស្រលាញ់ខ្លាំង, ក្តីសង្ឃឹមច្រើន បើទោះបីការបែកបាក់ធ្វើឲ្យមានការឈឺចាប់ខ្លាំងក៏ដោយ។ មានមនុស្សជាច្រើនជួបនឹងរឿងបែកបាក់ស្នេហា ហើយលែងមានអារម្មណ៍ជឿជាក់លើអ្នកណាផ្សេងទៀត ឬក៏បេះដូងរងនូវការវាយប្រហារខ្លាំងពេកមិនអាចទទួលមកជំនួសបានក្នុងពេលភ្លាមៗ នឹងស្នេហាផ្សេងក្រោយពេលបែកបាក់គ្នា។ ការឈឺចាប់គ្រាដំបូងដែលអ្នកបានឆ្លងកាត់នឹងធ្វើឲ្យអ្នកចងចាំជារៀងរហូត។
៦. រឿងអតីតកាល
អ្នកមានពេលវេលាច្រើនដែលអាចជួយឲ្យជួប និងស្រលាញ់មនុស្សជាច្រើន។ ប្រហែលជាស្នេហាពេលក្រោយជាស្នេហាពិត ប៉ុន្តែក្នុងពេលនោះដៃគូរបស់អ្នកប្រហែលជាចង់រ៉ាយរ៉ាប់ និងចង់សួរពីស្នេហាគ្រាដំបូងរបស់អ្នកជាមិនខាន។ បើទោះជាអ្នកចង់ឆ្លើយ ឬមិនចង់ឆ្លើយនឹងសំណួរនោះក៏ដោយ វានឹងធ្វើឲ្យអ្នកចងចាំពីរឿងអតីតកាលពីស្នេហាគ្រាដំបូងរបស់អ្នកឡើងវិញ៕
មតិយោបល់