ភ្នំពេញ ៖ រថយន្តក្រឡុកស៊ីម៉ង់ត៍របស់ក្រុមហ៊ុនស៊ីផេកមួយគ្រឿងបានបើកថយក្រោយចេញ ពីដីឡូត៍មួយកន្លែងធ្វើអោយប៉ះនិងបង្គោលភ្លើងមួយដើមបាក់ទ្រេតជិតដល់ដីបណ្តាលឱ្យខ្សែភ្លើងធ្លាក់កាត់ទទឹកផ្លូវនិងធ្វើឱ្យរថយន្តធុនធំបើកទៅមុខមិនរួចហេតុការណ៍នេះកើតឡើងនៅវេលាម៉ោង ៨និង២០នាទីយប់ថ្ងៃទី៤ខែមិថុនាឆ្នាំ២០១៤ នៅចំណុចផ្លូវបេតុងលេខ 134K មុខផ្ទះលេខ២៧ ក្រុមទី១ ភូមិអូដឹម សង្កាត់ត្រពាំងក្រសាំង ខណ្ឌពោធិ៍សែនជ័យ ។
ប្រភពព័ត៌មានពីកន្លែងកើតហេតុ បានឱ្យដឹងថានៅមុនពេលកើតហេតុរថយន្តក្រឡុកស៊ីម៉ង់ត៍របស់ក្រុមហ៊ុន ស៊ីផេក ពាក់ស្លាកលេខភ្នំពេញ 4A-0545 មួយគ្រឿងបានបើកទៅចាក់ស៊ីម៉ង់ត៍នៅភូមិអូរដឹមពេលចាក់រួចហើយក៏បានបើកចូលទៅលេងផ្ទះបងប្អូននៅក្នុងដីឡូត៍នៅជាប់ផ្លូវលំ ខណៈពេលត្រឡប់ចេញមកវិញក៏ថយរថយន្ត ស្រាប់តែប៉ះជាមួយបង្គោលភ្លើងបេតុងមួយដើម ដែលមានប្រអប់ភ្លើងលេខ P.040129ធ្វើអោយបាក់ទ្រេតជិតដល់ដីធ្លាក់ខ្សែភ្លើងកាត់ទទឹងផ្លូវ បណ្ដាលឱ្យរថយន្តធុនធំមិនអាចបើកបរទៅមុខបាន។
បន្ទាប់ពីកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុនិងបានទំនាក់ទំនងទៅ អគ្គិសនីកម្ពុជាអោយចុះមកត្រួតពិនិត្យ និងឃាត់រថយន្តទៅរក្សាទុកនៅអធិការដ្ឋាននគរបាល ខណ្ឌពោធិ៍សែនជ័យ ដើម្បីរង់ចាំធ្វើការដោះស្រាយតាមនីតិវិធីច្បាប់៕
https://i1272.photobucket.com/albums/y389/domneng/Car1_zps59250e21.png
https://i1272.photobucket.com/albums/y389/domneng/Car2_zpsa7d7fb66.png
មតិយោបល់