បន្ទាយមានជ័យៈ អធិការនៃអធិការដ្ឋានស្រុកថ្មពួក បានឃាត់ខ្លួនជនសង្ស័យជួញដូរ និងប្រើប្រាស់គ្រឿងញៀនចំនួន ១២ នាក់ ក្នុងភូមិសាស្ត្រស្រុកដែលខ្លួនគ្រប់គ្រង នាព្រឹកនៅថ្ងៃទី១៧ ខែ មិថុនា ឆ្នាំ ២០១៨នេះ។

ក្នុងចំណោមជនសង្ស័យទាំងនោះ មាន២នាក់ប្តីប្រពន្ធ ជាអ្នកជួញដូរគ្រឿងញៀន និង១០នាក់ទៀតជាអ្នកប្រើប្រាស់។
តាមសមត្ថកិច្ច បានឲ្យដឹងថា ការឃាត់ខ្លួនជនសង្ស័យ២នាក់ប្តីប្រពន្ធ ជាមុខសញ្ញាជួញដូរ ចែកចាយគ្រឿងញៀន និងអ្នកប្រើប្រាស់៖ ទី១.ប្តីឈ្មោះ ម៉ូវ ស៊ឹង ហៅ(ហម ស៊ឹង) អាយុ ៤៨ឆ្នាំ និងទី២.ប្រពន្ធឈ្មោះ គយ ច្រឹប អាយុ ៥៨ឆ្នាំរស់នៅភូមិគោកព្រេច ឃុំគោករមៀត ស្រុកថ្មពួក។
វត្ថុតាងដកហូតបាន រួមមាន៖ ថ្នាំញៀនម្សៅក្រមពណ៌សចំនួន ២២ថង់តូច និងប្រភេទ គ្រាប់ចំនួន ១៣៥គ្រាប់ និងទូរស័ព្ទចំនួន ៣ គ្រឿង ដែកកេះ ១ អាវុធកែឆ្នៃ ១ ដើម កូនកាំបិតស្នៀត ២ ។

នៅថ្ងៃដដែលវេលាម៉ោង២២ និង១៩នាទី ក្រោយពេលសួរនាំជនសង្ស័យ២នាក់ប្តីប្រពន្ធរួច សមត្ថកិច្ចបានបន្តឃាត់ខ្លួនជនសង្ស័យប្រើប្រាស់ចំនួន១០នាក់បន្ថែមទៀត៖ ១.ឈ្មោះ ផៅ ខឿត ភេទប្រុស អាយុ២៧ឆ្នាំ ២.ឈ្មោះ សាប់ សៀន អាយុ២៥ឆ្នាំ ៣.ឈ្មោះ សឺត មាត់ ភេទប្រុស អាយុ១៨ឆ្នាំ ៤.ឈ្មោះ ធឿន ថី ភេទប្រុស អាយុ ២៥ ឆ្នាំ ៥.ឈ្មោះ ដឿន ដា ភេទប្រុស អាយុ២២ឆ្នាំ ៦.ឈ្មោះ ជា ជេន ភេទប្រុស អាយុ១៦ឆ្នាំ ៧.ឈ្មោះ ខាវ ចិត្រ ភេទប្រុស អាយុ២៧ឆ្នាំ ៨.ឈ្មោះ រ៉ាយ បារាំង ហៅប្រាំង ភេទប្រុស អាយុ២៩ឆ្នាំ ៩.ឈ្មោះ ស តុលា ភេទប្រុស អាយុ១៧ឆ្នាំ និង១០-ឈ្មោះ ភ្លឿយ ណឿត ភេទប្រុស អាយុ ២៧ឆ្នាំ ជនសង្ស័យប្រើប្រាស់គ្រឿងញៀនទាំង១០នាក់នេះ រស់នៅស្រុកថ្មពួក និងស្រុកស្វាយចេក ខេត្តបន្ទាយមានជ័យ។

ក្រោយឃាត់ខ្លួនកម្លាំងជំនាញ បានពីធ្វើតេស្តទឹកនោមជាលទ្ធផល ពិតជាមានសារធាតុញៀនពិតប្រាកដមែន។

បច្ចុប្បជនសង្ស័យរួមទាំងវត្ថុតាង ត្រូវបានសមត្ថកិច្ចកសាងសំណុំរឿង និងបញ្ជូនទៅកាន់ជំនាញនៃស្នងការដ្ឋានខេត្តចាត់ការបន្ត៕