ភ្នំពេញ៖ នគរបាលជាតិ មានគម្រោងបង្កើតកាសែតផ្ទាល់ខ្លួនជាជាភាសាខ្មែរ ដើម្បីផ្ដល់ព័ត៌មានច្បាស់ការស្ដីពីសន្តិសុខ និងបទល្មើសផ្សេងៗនៅក្នុងប្រទេសកម្ពុជាទៅឲ្យសាធារណជន និងដើម្បីលើកកម្ពស់ការយល់ដឹងអំពីច្បាប់ចរាចរណ៍ និងគ្រោះថ្នាក់នៃគ្រឿងញៀនហើយកាសែតបែបនេះវាមិនសូវមានទេនៅតាមប្រទេសមួយចំនួន។
យោងតាមកាសែតខេមបូឌា ឌេលី បានចុះផ្សាយ និងដកស្រង់សម្ដីរបស់កឧត្តមសេនីយ៍ឯក គៀត ច័ន្ទថារិទ្ធ ថា “អង្គភាពរបស់យើងមានគម្រោងបង្កើតកាសែតផ្ទាល់ខ្លួន ប៉ុន្តែយើងចាំបាច់ត្រូវតែមានការអនុញ្ញាតជាមុន (ត្រូវតែទទួលបានភ្លើងខៀវពីលោក ស ខេង រដ្ឋមន្ត្រីក្រសួងមហាផ្ទៃជាមុនសិន)”។
លោក គៀត ច័ន្ទថារិទ្ធ បានបន្តទៀតថា “វាមិនមែនឥតគិតថ្លៃនោះទេ កាសែតនេះនឹងលក់ដូចកាសែតផ្សេងៗដែរ ព្រោះយើងត្រូវការរកប្រាក់ចំណេញដើម្បីដំណើរការកាសែត”។
គរបាលជាតិនឹងជ្រើសរើសអ្នកកាសែតអាជីពដើម្បីគ្រប់គ្រងកាសែតនេះ ហើយរាយការណ៍ព័ត៌មានជាមួយលោក អាត ប៊ុននី អ្នកយកព័ត៌មានជាន់ខ្ពស់នៅស្ថានីយទូរទស្សន៍បាយ័ន និងជាអតីតអ្នកយកព័ត៌មានឲ្យវិទ្យុអាស៊ីសេរី។
គួរបញ្ជាក់ផងដែរថា កាសែតដែលនគរបាលជាតិគ្រោងនឹងបើកនេះ គឺចង់បង្ហាញព័ត៌មានអំពីគ្រោះថ្នាក់ចរាចរណ៍ ការប្រើប្រាស់គ្រឿងញៀន និងព័ត៌មានផ្សេងៗមួយចំនួនទៀត ដែលគ្មានបម្រើដល់បក្សនយោបាយនោះទេ៕
មតិយោបល់