អ្នកគ្រប់គ្រងក្លិប Real Madrid លោក Carlo Ancelotti បានឲ្យដឹងថា គាត់ពិតជាកោតសរសើរ ចំពោះ កីឡាករ Luis Suarez ដែលសារព័ត៌មានជាច្រើនបានចុះផ្សាយពីការផ្ទេរ និងទិញកីឡាករូបនេះ ជាមួយនឹងក្លិបយក្សអេស្ប៉ាញ ។
កីឡាករ Luis Suarez រដូវកាលកន្លងទៅថ្មីៗនេះ រកគ្រាប់បាល់បាន ៣១ គ្រាប់ ក្នុងក្របខណ្ឌ Premier League បន្ទាប់ពីបាត់ខ្លួន ៦ ប្រកួត ដោយសារតែព្យូរមិនឲ្យលេង ។
ទន្ទឹមជាមួយនឹងគ្នានេះដែរ ខាង Real Madrid ត្រូវបានជឿជាក់ថា កំពុងតែត្រួតពិនិត្យលើ ទឹកប្រាក់របស់ខ្លួន ដើម្បីទិញកីឡាករខ្សែប្រយុទ្ធហង្សក្រហម ខណៈដែល Carlo Ancelotti ក៏កំពុងតែសួរពីការចាប់អារម្មណ៍របស់ក្លិបផងដែរ។
លោកបានប្រាប់ដល់សារព័ត៌មានថា “កីឡាករ Luis Suarez ជាអ្នកលេងដ៏អស្ចារ្យ ប៉ុន្តែនៅពេលនេះខាងក្លិបមិនបាននិយាយអំពីការផ្ទេរកីឡាករនោះទេ ” ។ លោកបានបន្តថា យើងមិនប្រញាប់ប្រញាល់នោះទេ ដើម្បីនាំកីឡាករនៅពេលនេះ តែរងចាំ រហូតដល់ថ្ងៃទី ៣១ ខែ សីហា ៕
មតិយោបល់