កាលពីខែឧសភា កន្លងទៅ មានបែកធ្លាយរូបភាពសម្បករបស់ iPhone 6 ម្ដងរួចទៅហើយ ដោយឡែកនៅពេលនេះ ក៏មិនខុសពីមុនប៉ុន្មានដែរ ប៉ុន្តែវាហាក់ដូចជាច្បាស់ជាងមុន។
សារព័ត៌មានបារាំង Now here else បានបង្ហាញរូបភាពថ្មីដែលអះអាងថា ជាសម្បករបស់ iPhone 6 ពិតប្រាកដ ហើយបើតាមពិនិត្យឲ្យជាក់ស្ដែងវាហាក់ដូចជាសម្បករបស់ iPhone 6 មែន។ តាមការពិនិត្យទៅលើសម្បកថ្មីនេះ វាត្រូវបានរចនាឡើងដោយខុសពីទម្រង់ iPhone 5S និងធំជាងមុន ពោលគឺដូចទៅនឹងពាក្យចចាមអារ៉ាមដែលបានចុះផ្សាយថា iPhone ថ្មីមានអេក្រង់ធំជាងមុន។
គួរបញ្ជាក់ផងដែរថា iPhone 6 ត្រូវបានគេរំពឹងថា នឹងបង្ហាញខ្លួននៅក្នុងខែតុលា ជាមួយនឹង iWatch នាឡិកាឆ្លាតវៃដំបូងរបស់ Apple៕
មតិយោបល់