កាលពីថ្មីៗនេះ មានព័ត៌មានដ៏គួរឲ្យចាប់អារម្មណ៍មួយ ដោយគេបានប្រទះឃើញតារាមច្រៀង និងជាកីឡាករប្រណាំងរថយន្ត លោក Jimmy Lin បង្ហោះរូបភាពកាន់ iPhone 6 នៅលើបណ្ដាញសង្គមចិន។
តាមរយៈរូបភាពដែលតារាចម្រៀងរូបនេះបានបង្ហោះ ត្រូវបានគេជឿថាវាជា iPhone ជំនាន់ថ្មីរបស់ក្រុមហ៊ុន Apple ដែលនឹងបង្ហាញនៅក្នុងខែតុលាខាងមុន ហើយអ្វីដែលពិសេសទៅទៀតនោះគឺគេជឿទាំងស្រុងថាវាជា iPhone 6 ដោយសារតែកាលពីខែសីហា ឆ្នាំមុន Jimmy Lin បានបង្ហោះរូបភាពក្នុងទម្រង់ដូចគ្នា ដែលនៅនឹងដៃរបស់លោកបានកាន់ iPhone 5C ហើយនៅទីបំផុតក្រុមហ៊ុន Apple បានបង្ហាញដូចគ្នាពិតមែន។
រូបភាព iPhone ថ្មីនេះ មានអេក្រង់ធំជាងមុន ពោលគឺដូចគ្នាទៅនឹងអ្វីដែលពាក្យចចាមអារ៉ាមបានចុះផ្សាយ ហើយបើតាមការប៉ាន់ប្រមាណវាមានអេក្រង់ទំហំ ៤,៧អ៊ីង។
គួរបញ្ជាក់ផងដែរថា ក្រុមហ៊ុន Apple នឹងប្រកាសបង្ហាញ iPhone ជំនាន់ថ្មីនៅក្នុងខែតុលា ប៉ុន្តែមិនច្បាស់ថា ជា iPhone 6 ឬមួយយ៉ាងណានោះទេ៕
https://i1272.photobucket.com/albums/y389/domneng/1_zps6d555beb.jpg
https://i1272.photobucket.com/albums/y389/domneng/2_zps8696dcfd.jpg
https://i1272.photobucket.com/albums/y389/domneng/3_zpsec5effb1.jpg
មតិយោបល់