ឯកឧត្ដមបណ្ឌិតសភាចារ្យ សុខ អាន ឧបនាយក រដ្ឋមន្ត្រី រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រីបានថ្លែងថា អង្គជំនុំជម្រះវិសាមញ្ញ នៅក្នុង តុលាការកម្ពុជា (អ.វ.ត.ក) នឹងប្រកាសសាលក្រមនៅថ្ងៃទី ០៧ សីហា ឆ្នាំ ២០១៤ លើករណី លោក នួន ជា និងលោក ខៀវ សំផន ដែលការលើកឡើងនេះ ខណៈពេលឯកឧត្ដម អនុញ្ញាតឲ្យគណៈប្រតិភូសហភាពអឺរ៉ុប ដឹកនាំដោយឯកឧត្ដម Jean-Francois Cautain ចូលជួបពិភាក្សាការងារ អំពីនីតិវិធីនៃការបង្កើតច្បាប់ នៅកម្ពុជា និងអង្គជំនុំជម្រះវិសាមញ្ញ នៅក្នុងតុលាការកម្ពុជានោះ កាលពីថ្ងៃទី ១១ ខែ មិថុនា។
លោក សុខ អាន បានម្រាបជូនភ្ញៀវបន្តថា អ.វ.ត.ក ជាតុលាការព្រហ្មទណ្ឌអន្តរ ជាតិតែមួយគត់ ដែលមានការចូលរួម ពីតំណាងភាគីស៊ីវិល និងដំណើរការការងារ នីតិវិធីផ្សេងៗទៀតរបស់សាលាក្ដីខ្មែរក្រហម ។ លោក បានបន្តទៀតថា អ.វ.ត.ក ជាតុលាការព្រហ្មទណ្ឌអន្តរ ជាតិតែមួយគត់ ដែលមានការចូលរួម ពីតំណាងភាគីស៊ីវិល និងដំណើរការការងារ នីតិវិធីផ្សេងៗទៀតរបស់សាលាក្ដីខ្មែរក្រហម ។ ការបង្កើតច្បាប់នៅកម្ពុជា គឺក្រោយមានសេចក្តីព្រាងច្បាប់ហើយ ជាដំបូងមានការពិគ្រោះយោបល់ជាមួយក្រុម ការងារបច្ចេកទេស ក្រុមប្រឹក្សាអ្នកច្បាប់ និងក្រុមប្រឹក្សាវប្បធម៌សេដ្ឋកិច្ច និងសង្គម ការប្រជុំអន្តរក្រសួង សេចក្តីព្រាងច្បាប់នេះត្រូវពិនិត្យដោយឯកឧត្ដម មុនពេលបញ្ជូនទៅដាក់ជូនសម័យប្រជុំពេញអង្គគណៈរដ្ឋមន្ត្រីធ្វើការពិភាក្សាដើម្បីអនុម័តយល់ព្រម ។
តាមគំនិតផ្ដួចផ្ដើមថ្មីរបស់សម្ដេចនាយករដ្ឋមន្ត្រី ចាប់ពីពេលនេះតទៅ រដ្ឋមន្ត្រីតាមក្រសួងនីមួយៗមានអំណាច ដើម្បីធ្វើសេចក្តីព្រាងច្បាប់តាំងពីដើមរហូតដល់ចប់ មុននឹងដាក់ជូនគណៈរដ្ឋមន្ត្រីប្រជុំពេញ អង្គ។
ឯកឧត្ដមឧបនាយករដ្ឋមន្ត្រីបន្តថា រាជរដ្ឋាភិបាលកម្ពុជាបានផ្ទេរក្រុមប្រឹក្សាកំណែ ទម្រង់ច្បាប់ និងប្រព័ន្ធយុត្តិធម៌ និងកំណែទម្រង់រដ្ឋបាលប្រគល់ជូនក្រសួងយុត្តិធម៌ និង ក្រសួងមុខងារសាធារណៈ និងសេចក្តីព្រាងច្បាប់សមាគម និងអង្គការក្រៅរដ្ឋាភិបាលបាននិងកំពុងត្រូវបានត្រួតពិនិត្យដោយក្រសួងមហាផ្ទៃ សេចក្តីព្រាងច្បាប់ស្ដីពីការគ្រប់គ្រងបទ ល្មើសតាមប្រព័ន្ធអេឡិចត្រូនិក ត្រួតពិនិត្យដោយក្រសួងប្រៃសណីយ៍ និងទូរគមនាគមន៍ សេចក្តីព្រាងច្បាប់ស្ដីពីសហជីព ពាណិជ្ជកម្ម ក្រសួងការងារ និងបណ្ដុះបណ្ដាលវិជ្ជាជីវៈជាអ្នកទទួលបន្ទុក ។
ក្រោយការជម្រាបពីលោក សុខ អាន លោក Jean-Francois Cautain គណៈប្រតិភូសហភាពអឺរ៉ុបបានសម្តែងនូវការ ពេញចិត្ត និងការគាំទ្រចំពោះកម្ពុជាផងដែរ ៕
មតិយោបល់