រដ្ឋាភិបាលអូស្ត្រាលីកំពុងសង្កេតមើលយ៉ាងដិតដល់ជនជាតិរបស់ខ្លួនដែរ បច្ចុប្បន្នកំពុងប្រយុទ្ធនៅជាមួយក្រុមភេរវជន រ៉ាឌីកាល់ ខ្លះនៅក្នុងប្រទេស ស៊ីរី និងអ៊ីរ៉ាក់ ដែលធ្វើឱ្យមានកង្វល់ថា ពួកគេអាចបង្កឱ្យមានការគំរាមកំហែងយ៉ាងខ្លាំងដល់សន្តិសុខជាតិ នៅពេលដែលពួកគេត្រឡប់មកកាន់ ប្រទេសនៅអូសេអានីនេះវិញ។
នៅក្នុងបទសម្ភាសន៍មួយជាមួយវិទ្យុ ABC ក្នុងស្រុករដ្ឋមន្ត្រីការបរទេស លោកស្រី ជូលី ប៊ីសូប (Julie Bishop) បាននិយាយពីថ្ងៃព្រហស្បតិ៍ នេះថា អាចមានជនជាតិអូស្ត្រាលី១៥០នាក់ ដែលប្រយុទ្ធនៅជាមួយក្រុមឧទ្ទាម ហើយលោកស្រីមានការព្រួយបារម្ភយ៉ាងជ្រាលជ្រៅ អំពីជនជាតិ អូស្ត្រាលី ដែលគាំទ្រធ្វើការ ឬជាក់ស្តែងនៅជាមួយពួកជ្រុលនិយមទាំងនោះ។
លោកស្រីបាននិយាយបន្ថែមថា យើងមានការព្រួយបារម្ភថា ជនជាតិអូស្ត្រាលីដែលកំពុង ធ្វើការជាមួយពួកទាំងនោះ នឹងក្លាយទៅជាជនរ៉ាឌីកាល់ ដែលរៀនសូត្រនូវមុខរបរជំនួញភេរវកម្ម ហើយប្រសិនបើពួកគេត្រឡប់មកប្រទេសអូស្ត្រាលីវិញនោះ វានឹងបង្កឱ្យមានការគំរាមកំហែងខាងសន្តិសុខ ហើយយើងកំពុងធ្វើនូវអ្វីដែលយើងអាចធ្វើបាន ដើម្បីឱ្យស្គាល់អត្តសញ្ញាណពួកទាំងនោះ ។
ចាប់តាំងពីសង្គ្រាមស៊ីវិលនេះឡើងនៅក្នុងប្រទេសស៊ីរី ក្នុងឆ្នាំ២០១១ ពួកយុទ្ធជនរាប់ពាន់ នាក់ មកពីបណ្តាប្រទេសលោកខាងលិច ដែលមានកំ ណើតនៅមជ្ឈឹមបូព៌ាបានចូលរួមជាមួយក្រុម ជ្រុលនិយមខ្លះ ក្នុងការប្រយុទ្ធប្រឆាំងនឹងរបបរបស់ប្រធានាធិបតី លោក បាសារ អាសាដ
( Bashar Assad )។
មានជាច្រើននាក់នៃពួកគេ គឺជាជនជាតិអូស្ត្រាលីដែលបានបណ្តុះបណ្តាលនៅលើ សមរភូមិ ហើយមានខ្លះនៃពួកគេបានចូលរួមជាមួយរដ្ឋអ៊ីស្លាម អ៊ីរ៉ាក់ និងឡេវ៉ាន (ISIL) ក្រុម ប្រដាប់អាវុធរ៉ាឌីកាល់មួយ ដែលធ្វើការវាយប្រហារដ៏គួរឱ្យភ័យខ្លាច ទៅលើពួកជនស៊ីវិលនៅក្នុង ពេល២ឆ្នាំ កន្លងទៅនេះ ។
តាមសេចក្តីរាយការណ៍ថ្មីៗនេះឱ្យដឹងថា ជនជាតិអូស្ត្រាលីខ្លះក៏បានឆ្លងកាត់ព្រំដែនផង ដែរ ជាមួយ ISIL ចូលទៅក្នុងប្រទេសអ៊ីរ៉ាក់ នឹងបើកធ្វើ សង្គ្រាមប្រឆាំងនឹងកងកម្លាំងរដ្ឋាភិបាល អ៊ីរ៉ាក់ ៕
មតិយោបល់