ភ្នំពេញៈ យោងតាមផេកនគរបាលជាតិ បានឲ្យដឹងថា ជនសង្ស័យម្នាក់ បានធ្វើសកម្មភាពឆក់ខ្សែកប្រជាពលរដ្ឋបានសម្រេច ហើយព្យាយាមបើកម៉ូតូគេចខ្លួន តែត្រូវសមត្ថកិច្ចកំពុងល្បាតក្នុងមូលដ្ឋានជួយអន្តរាគមន៍បង្ក្រាបឃាត់ជនសង្ស័យបាននៅចំណុចក្បែរធនាគារអេស៊ីលីដា ផ្លូវជាតិលេខ៥ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ ។
ជនសង្ស័យឈ្មោះ សាមុត វីរៈ ភេទប្រុស អាយុ២៩ឆ្នាំ មុខរបរគ្មាន ស្នាក់នៅផ្ទះគ្មានលេខក្រុម៧ ភូមិដើមខ្វិត សង្កាត់ទួលសង្កែទី១(មានផ្ទុកសារធាតុញៀន)។ ជនសង្ស័យធ្វើសកម្មភាពឆក់នាវេលាម៉ោង៦និង៣០នាទីព្រឹកនៅថ្ងៃទី១៨ ខែកក្កដា ឆ្នាំ២០១៩ ចំណុចមុខផ្ទះសំណាក់យីហោ កាកា ផ្លូវបេតុង ក្រុម១១ ភូមិក្រោលគោ សង្កាត់គីឡូម៉ែត្រលេខ៦ ។
សម្ភារៈដកហូតមាន ៖ -បន្តោងខ្សែក១ខ្នាយជ្រូកបានប្រគល់ជូនជនរងគ្រោះវិញ, ម៉ូតូម៉ាកនិច១គ្រឿង ពណ៌ស ពាក់ស្លាកលេខភ្នំពេញ 1BQ-7660 លេខម៉ាស៊ីន102297 លេខតួ102261។
បច្ចុប្បន្ន ជនសង្ស័យត្រូវបានបញ្ជូនទៅអធិការដ្ឋាននគរបាលខណ្ឌឫស្សីកែវ ដើម្បីសាកសួរស្រាវជ្រាវរកបក្ខពួក និងកសាងសំណុំរឿងបញ្ជូនតាមនីតិវិធី៕
មតិយោបល់