ត្រូវចងចាំថា អ្នកមិនគួរងូតទឹកភ្លាមៗដាច់ខាត បន្ទាប់ពីបានធ្វើរឿងមួយចំនួន ព្រោះវាអាចបង្កឲ្យគ្រោះថ្នាក់ដល់សុខភាព បើធ្ងន់ធ្ងរគឺអាចស្លាប់ក៏មាន។ ហេតុនេះហើយ អ្នកគួរតែសម្រាកឲ្យបានគ្រប់គ្រាន់មុននឹងទៅងូតទឹក ដើម្បីជៀសវាងនូវផលប៉ះពាល់ដល់អាយុជីវិត។
ងូតទឹកនៅពេលយប់
ពិតណាស់អ្នកមិនគួរងូតទឹកនៅម៉ោងប្រហែលជា (២៣ យប់) នោះទេ ព្រោះខណៈនេះសីតុណ្ហភាពទាបបំផុត ដែលធ្វើឲ្យរាងកាយរបស់អ្នកត្រូវអត់ធុញខ្លាំង និងចុះខ្សោយ។ ហេតុនេះហើយរាងកាយរបស់លោកអ្នកនឹងផ្លាស់ប្តូរសីតុណ្ហភាពភ្លាមៗ ដែលបណ្តាលឲ្យប៉ះពាល់ដល់សសៃឈាមយ៉ងឆាប់រហ័ស។ ផលប៉ះពាល់នេះអាចធ្វើឲ្យមានបញ្ហាដល់ដំណើរការឈាមបញ្ចូនទៅខួរក្បាល នាំឲ្យមានគ្រោះថ្នាក់ដល់សួត និងមានជំងឺដាច់សសៃឈាមក្នុងខួរក្បាល។
ងូតទឹកពេលសម្ពាធឈាមទាប
មូលហេតុដែលអ្នកមិនគួរងូតទឹកនៅពេលដែលសម្ពាធឈាមមានកម្រិតទាប ដោយសារតែទឹកសីតុណ្ហាភាពទឹកខ្ពស់ធ្វើឲ្យសសៃឈាមរីកធំ ដំណើរការឈាមមិនអាចផ្គត់ផ្គងពេញរាងកាយទាំងមូលបាន ដូច្នេះវាអាចធ្វើឲ្យអ្នកនឿយហត់ និងអស់កំលាំង។
ងូតទឹកនៅពេលឃ្លាន
អ្នកស្រាវជ្រាវបាននិយាយថា នៅពេលដែលអ្នកមានការស្រែកឃ្លាន អ្នកមិនគួរងូតទឹកនោះទេ ព្រោះសីតុណ្ហភាពកំពុងតែឡើងខ្ពស់។ នៅពេលដែលងូតទឹកក្តៅសសៃឈាមឡើងប៉ោង រួមបញ្ចូលទាំងការបែកញើសទៀត ប្រៀបដូចជាការប្រើប្រាស់អស់ថាមពលជាច្រើនពីរាងកាយដូចជា ជាតិស្ករនៅក្នុងឈាមមានកម្រិតទាប ដែលបណ្តោលឲ្យវិលមុខ ញ័រដើមទ្រូង សម្ពាធឈាមទាប ជាហេតុបណ្តោលឲ្យដាច់សសៃឈាមក្នុងខួក្បាល។
ងួតទឹកបន្ទាប់ពីញ៉ាំអាហារ
ប្រសិនបើអ្នកទៅងូតទឹកភ្លាមៗ បន្ទាប់ពីទទួលទានអាហារ និងបណ្តោលឲ្យក្រពះមានភាពទន់ខ្សោយ កំលាំងនៃការរំលាយអាហារត្រូវបានកើនឡើង ធ្វើឲ្យសសៃឈាមរីកធំ និងលំហូរឈាមអាចមានការរាំងស្ទះ។ កត្តាទាំងនេះអាចបណ្តោលឲ្យអស់កំលាំង ដួលសន្លប់ក៏មាន។ នេះជាផ្នែកមួយនៃមូលហេតុនៃជំងឺសសៃឈាមបេះដូង។
ងូតទឹកបន្ទាប់ពីផឹកស្រាបៀរ
គ្រឿងស្រវឹងអាចរារាំងសកម្មភាពរបស់មុខងារថ្លើម និងជាស្ករក្នុងឈាមត្រូវបានបាត់បង់ ជាពិសេសអ្នកអាចវិលមុខ ឬក៏រាងកាយអស់កំលាំងថែមទៀត។ ប្រសិនបើធ្ងន់ធ្ងរអាចបណ្តោលឲ្យសន្លប់ព្រោះខ្វះជាតិស្ករនៅក្នុងឈាម។
ងូតទឹកបន្ទាប់ពីអស់កម្លាំង ឬស្ត្រេស
បន្ទាប់ពីធ្វើការអស់កម្លាំង ឬប្រើប្រាស់ថាមពលខួរក្បាលច្រើនពេក អ្នកចាំបាច់ត្រូវសម្រាក់ឲ្យស្រួលខ្លួនបន្តិចសិនមុននឹងងូតទឹក។ ប្រសិនបើមិនដូច្នោះទេ វាអាចនឹងធ្វើលំហូរឈាមដែលបញ្ចូនទៅខួរក្បាលដើរយឺត ដែលបណ្តោលឲ្យសន្លប់។
ងូតទឹកពេលមានជំងឺគ្រុនក្តៅ
នៅពេលដែលសីតុណ្ហភាពកើនឡើងដល់ ៣៨ អង្សា C នោះកម្តៅនៅក្នុងរាងកាយរបស់នាក់នឹងកើនឡើងប្រហែលជា ២០ ភាគរយ។ ប្រសិនបើងូតទឹកនៅពេលនេះ ធ្វើឲ្យរាងកាយរបស់អ្នកអស់កំលាំង និងទទួលរងនូវជំងឺដាច់សសៃឈាមក្នុងខួរក្បាល ដែលធ្វើឲ្យគ្រោះថ្នាក់ដល់ជីវិត៕
មតិយោបល់