យោងតាមប្រភពព័ត៌មាន bleacherreport បានឲ្យដឹងថា ជំនួយការក្លិប Real Madrid អតីតកីឡាករបារាំង លោក Zinedine Zidane នឹងទៅគ្រប់គ្រងក្រុម Castilla ដែលស្ថិតក្រោមការគ្រប់គ្រងរបស់ក្លិប អធិរាជស Real Madrid សម្រាប់រដូវកាល ២០១៤ – ២០១៥ ។
កីឡាករ Zinedine Zidane បានចំណាយពេល ៥ ឆ្នាំ ជាអ្នកលេងនៅ Berenbeu នេះជាលើកដំបូងហើយ ដែលគាត់ត្រូវបានក្លិបជ្រើសរើស ឲ្យសាកល្បង ធ្វើជាអ្នកគ្រប់គ្រង សម្រាប់ពានកាលពីរដូវកាលមុន និងឈានធ្វើជាគ្រូបង្វឹក សម្រាប់រដូវកាលក្រោយនេះ ។
បើតាមប្រភពព័ត៌មានដែលផ្សាយកន្លងមកបានឲ្យដឹងថា អតីតកីឡាករបារាំង រូបនេះត្រូវបាន ក្លិប Bordeux តាមល្បួង ឲ្យទៅកាន់កាប់ក្លិបមួយនោះ ប៉ុន្តែដោយសារតែ ខាង Real Madrid បានដោះស្រាយ ដោយឲ្យ Zinedine Zidane កាន់កាប់ក្រុមឲ្យលេងនៅក្របខណ្ឌ Segunda B division កាលពីរដូវកាលកន្លងទៅ។
សេចក្តីថ្លែងការណ៍របស់ក្លិប បានបញ្ជាក់ថា “កីឡាករ Zinedine Zidane នឹងធ្វើជាអ្នកគ្រប់គ្រងក្រុម Castilla នៅរដូវកាលបន្ទាប់” ៕
មតិយោបល់