ភ្នំពេញ ៖ រថយន្តកងអន្តរាគមន៍ពិសេសពិសេសរាជធានីភ្នំពេញបត់ឆ្លងផ្លួវត្រូវបានម៉ូតូហុងដាសេធុនសេ១២៥មួយគ្រឿងជិះនារីពីរនាក់បានជ្រុលទៅបុកចំហៀងខាងក្រោយរថយន្តបណ្តាលឱ្យនារីពីរនាក់រងរបួស ។
ហេតុការណ៍នេះកើតឡើងនៅវេលាម៉ោង៩និង៤០នាទីយប់ ថ្ងៃទី ២៥ មិថុនា ២០១៤ នៅចំណុចផ្លូវព្រះមុនីវង្សកែងផ្លូវលេខ ៩៦ ស្ថិតក្នុងសង្កាត់វត្តភ្នំ ខណ្ឌដូនពេញ ។
ប្រភពព័ត៌មានបានឱ្យដឹងថា នៅមុនពេលកើតហេតុគេឃើញរថយន្តកងអន្តរាគមន៍ពិសេសរាជធានីភ្នំពេញបើកបរតាមផ្លូវព្រះមុនីវង្ស ក្នុងទិសដៅពីជើងទៅត្បូង មកដល់ចំណុចកើតហេតុរថយន្តបានបត់ឆ្លងទៅផ្លូវលេខ ៩៦ ស្របពេលនោះក៏មានម៉ូតូមួយគ្រឿងម៉ាក ហុងដាឌ្រីមសង់សេ១២៥ ពណ៌ខ្មៅ ពាក់ស្លាកលេខកំពង់ឆ្នាំង 1C-9195 ជិះដោយនារីពីរនាក់បានបើកទៅបុកចំផ្នែកខាងឆ្វេងកណ្តាលរថយន្តបណ្តាលឱ្យនារីទាំងពីរនាក់ដែលជិះម៉ូតូរងរបួសបោកនៅនិងថ្នល់បាក់ធ្មេញម្នាក់និងម្នាក់បែកក្បាលត្រូវបានរថយន្តសាមុយដឹងយកមន្ទីរពេទ្យព្យាបាលភ្លាមៗ
។បើតាមសាក្សីឃើញហេតុការណ៍នេះក៏បានឲ្យដឹងដែលថា គេឃើញរថយន្តកងអន្តរាគមន៍ពិសេសរាជធានីភ្នំពេញនេះបត់ឆ្លងផ្លូវអត់ស៊ីញ៉ូ ទើបបណ្តាលឲ្យមានគ្រោះថ្នាក់បែបនេះតែម្តង។
ក្រោយពេលកើតហេតុភាគីទាំងពីរបានធ្វើការសម្រួលគ្នាតែមិនត្រូវដូច្នេះសមត្ថកិច្ចក៏បានចុះវាស់វែងយករថយន្តនិងម៉ូតូខាងលើទៅកាន់ការិយាល័យចរាចរផ្លូវគោកនៃស្នងការដ្ឋាននគរបាលរាជធានីភ្នំពេញរងចាំធ្វើកាដោះស្រាយតាមផ្លូវច្បាប់ ៕
មតិយោបល់