ក្រុម ISIS បានដុតស្ត្រីវ័យ ២០ឆ្នាំ ទាំងរស់ ដោយសារតែនាងបានបដិសេធមិនព្រមរួមភេទជាមួយនឹងសមាជិកក្រុមសកម្មប្រយុទ្ធ ISIS នេះបើយោងតាមការឲ្យដឹងរបស់មន្ត្រីអង្កការសហប្រជាជាតិ(UN)។
លោកស្រី Zainab Bangura ជាប្រសិតពិសេសរបស់អង្គការសប្រជាជាតិខាងសង្គ្រាមហឹង្សាផ្លូវភេទ បានថ្លែងឲ្យដឹងក្រោយពេលត្រឡប់មកពីដំណើរទស្សនកិច្ចនៅក្នុងជំរំភៀសខ្លួនរវាងប្រទេសស៊ីរី និងអ៊ីរ៉ាក់។ លោកស្រីបានបញ្ជាក់ប្រាប់កាសែត Middle East Eye នៅក្នុងដំណើរទស្សនកិច្ចរបស់អ្នកស្រីគឺបានឮព័ត៌មានជាច្រើនពាក់ព័ន្ធនឹងក្រុម ISIS ដោយក្នុងនោះ អ្នកស្រីបានឮថា ក្រុម ISIS បានប្រព្រឹត្តអំពើថោកទាបជាច្រើនដូចជារំលោភ ជាក្រុម ទាសករផ្លូវភេទ បង្ខំឲ្យធ្វើជាស្រីពេស្យាចារ វាយដំ ជាពិសេសនោះគឺថា ពួកនេះបានដុតស្ត្រីវ័យក្មេងម្នាក់ទាំងរស់ ព្រោះនាងមិនព្រមរួមភេទជាមួយសមាជិករបស់ខ្លួន។
អ្នកស្រីបានបញ្ជាក់បន្ថែមទៀតថា ក្រុម ISIS បានដើរចាប់ស្ត្រីស្អាត និងនៅបរិសុទ្ធទៅដាក់លក់ដេញថ្លៃ ក្នុងទីផ្សារងងឹម ប៉ុន្តែមិនច្បាស់ថា នៅកន្លែងណាទេ គ្រាន់តែដឹងថា ស្ត្រីដែលក្រុមនេះចាប់យកធ្វើជាទាសករមានប្រមាណជា ៤០០០នាក់។
គួរបញ្ជាក់ផងដែរថា ISIS បានប្រកាសខ្លួនថា ជាក្រុមរដ្ឋឥស្លាមផ្ដាច់ខ្លួន ប៉ុន្តែបើតាមការវិភាគ និងសកម្មភាពដែលក្រុមនេះធ្វើរាល់ថ្ងៃ វាហាក់ដូចជាមិនមែនពួកកាន់សាសនាឥស្លាមឡើយ ព្រោះថាមានទង្វើ និងសកម្មភាពមួយចំនួន បានបង្ហាញថាពួកនេះមិនមែនកាន់សាសនាឥស្លាមទេ៕
មតិយោបល់