ភ្នំពេញ : ប្រជាពលរដ្ធបានឡោមព័ទ្ធចាប់បានជនសង្ស័យម្នាក់ពេលដែលធ្វើសកម្មភាពគាស់ផ្ទះដែលគេទុកចោលយកអីវ៉ាន ប្រគល់ឲ្យសមត្ថកិច្ចកាលពីវេលាម៉ោង ១០ និង ២០ នាទី យប់ ថ្ងៃទី ២៥ ខែ មិថុនា ឆ្នាំ ២០១៤ នៅចំណុចផ្ទះលេខ៧៤៩ ក្រុម ១០ ភូមិ ៣ តាមបណ្តោយផ្លូវព្រះមុនីវង្ស ក្នុងសង្កាត់បឹងត្របែក ខណ្ឌ ចំការមន ។
តាមការនិយាយរៀបរាប់របស់ប្រជាពលរដ្ធខាងលើបានឲ្យដឹងថានៅមុនពេលធ្វើកាឃាត់ខ្លួនជនសង្ស័យខាងលើនេះគឺបានឃើញជនសង្ស័យនេះបានចូលទៅក្នុងផ្ទះមួយដែលម្ចាស់ផ្ទះទុកនិងចាក់សោរចោលដោយមិនមានមនុស្សនៅមើលនោះទេ រួចជនសង្ស័យខាងលើក៏បានធ្វើសកម្មភាព គាស់យកសំភារ:ដូចជាដែកទ្វាវបង្អួច និង គ្រឿងដែលអាចលក់អេតចាយបានមួយចំនួន ហើយភ្លាមៗនោះ ដោយឃើញដូននេះក៏ប្រជាពលរដ្ធនាំគ្នាឡោមព័ទ្ធចាប់បាននិងវាយបណ្តាលឲ្យរងរបួសហើយបានប្រគល់ឲ្យទៅសមត្ថកិច្ចបន្ត។ សមត្ថកិច្ចបានឲ្យដឹងដែលថា ជនសង្ស័យនេះឈ្មោះ លៀវ រី ភេទប្រុស អាយុ ៣០ ឆ្នាំ មុខរបររើសអេតចាយ ស្នាក់នៅមិនពិតប្រាកដ ។
បច្ចុប្បន្នជនសង្ស័យខាងត្រូវបានសមត្ថកិច្ចឃុំខ្លួននៅប៉ុស្លិ៏នរគបាលបឹងត្របែក ដើម្បីធ្វើការសាកសួរនិងចាត់ការទៅតាមផ្លូវច្បាប់៕
មតិយោបល់