កាលពីថ្ងៃទី ០១ ខែ កក្កដា ឆ្នាំ ២០១៤ នេះ មន្ត្រីជាន់ខ្ពស់ កម្ពុជាបានមានប្រសាសន៍ឲ្យដឹងថា ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានឡាយព្រះហស្ថលេខាលើ ព្រះរាជកក្រឹត្យដោះលែងអតីតអតីតមេចលនាថៃអាវលឿងលោក វីរៈ ស៊ុមក្វាមឃីដ ហើយ នៅថ្ងៃទី ០១ ខែកក្កដា ឆ្នាំ ២០១៤ តាមសំណើររបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជានោះ។
លោក វីរៈ ស៊ុមក្វាមឃីដ និងអ្នកទោសថៃ ០៦ នាក់ផ្សេងទៀត ត្រូវបានសាលាដំបូង រាជធានីភ្នំពេញបានសម្រេចផ្តន្ទាទោសកាលពីថ្ងៃទី ២៩ ធ្នូឆ្នាំ ២០១០ ដាក់ពន្ធនាគារក្នុងម្នាក់ ពី ៦ ឆ្នាំទៅ ៨ ឆ្នាំពីបទចារកម្មចូលទឹកដីខ្មែរ និងតំប់យោធាដោយខុសច្បាប់។
លោក អ៊ាង សុផល្លែត ជំនួយការសម្តេចតេជោនាយករដ្ឋមន្ត្រីឲ្យដឹងថា នៅពេល អនុញ្ញាតឲ្យឯកឧត្ដម Sihasak Phuangketkrow អគ្គលេខាធិការអចិន្ត្រៃយ៍ និងជារដ្ឋមន្ត្រីស្ដី ការបរទេសថៃចូលជួបសម្ដែងការគួសមនារសៀលថ្ងៃទី ១ ខែកក្កដាឆ្នាំ ២០១៤ នៅវិមានសន្តិ ភាព សម្តេចអគ្គមហាសេនាបតីតេជោ ហ៊ុន សែន បានមានប្រសាសន៍ថា អ្វីដែលជាសំណើ របស់ឯកឧត្ដម ប្រាយុទ្ធ ចាន់អូចារ លោក សុង ខ្វាមឃីដ ត្រូវបានដោះលែងហើយ តាមរយៈ ព្រះរាជក្រឹត្យរបស់ព្រះករុណា ព្រះមហាក្សត្រកម្ពុជា ដែលបានឡាយព្រះហស្ថលេខានៅថ្ងៃទី ១ ខែកក្កដាឆ្នាំ ២០១៤ នេះហើយនឹងអនុញ្ញាតឲ្យវិលត្រឡប់ទៅប្រទេសថៃវិញជាមួយគណៈ ប្រតិភូថៃនៅថ្ងៃទី ០២ ខែកក្កដាស្អែកនេះ ។
នៅក្នុងជំនួបនោះឯកឧត្ដម Sihasak ក៏បានស្នើសុំរាជដ្ឋាភិបាលកម្ពុជា ពិនិត្យពិចារណា តាមនីតិវិធីរបស់កម្ពុជា លើកលែងទោសក្នុងឱកាសពិធីដង្ហែព្រះបរមអដ្ឋិព្រះបរមរតនកោដ្ឋ នាពេលខាងមុខ ដោះលែងលោក វីរៈ សុងខ្វាមឃីដ ដែលកំពុងតែជាប់ពន្ធនាគារអស់រយៈ ពេលជាយូរមកហើយដែរនោះ។
សម្ដេចតេជោក៏បានស្នើឲ្យភាគីថៃ ឯកឧត្ដម ប្រាយុទ្ធ ចាន់អូចារ ពិចារណាលើករណី ដែលជនជាតិកម្ពុជា ដែលត្រូវបានជនឆបោកហើយធ្វើឯកសារក្លែងក្លាយនោះ សូមពិចារណា ដើម្បីដោះលែងទៅតាមនីតិវិធីរបស់ថៃផងដែរ ។
លោក អ៊ាង សុផល្លែត បានឲ្យដឹងបន្តថា នៅក្នុងជំនួបនោះថា ឯកឧត្ដម Sihasak បានជម្រាបជូនសម្ដេចតេជោនាយករដ្ឋមន្ត្រីអំពីទិដ្ឋភាពនយោបាយទូទៅ នៅក្នុងព្រះរាជា ណាចក្រថៃ ដែលក្នុងនោះគឺមានបំណងចង់ឲ្យធ្វើទំនាក់ទំនងល្អ និងលើកស្ទួយកិច្ចសហ ប្រតិបត្តិការទាំងទ្វេភាគី និងពហុភាគីនៅក្នុងក្របខណ្ឌអាស៊ានគ្រប់ជ្រុងជ្រោយទាំងអស់ ។ ឯកឧត្ដមបានបន្តថា នៅក្នុងជំនួបជាមួយឯកឧត្ដមឧបនាយករដ្ឋមន្ត្រី ហោ ណាំហុង ចំពោះ បញ្ហាដែលពាក់ព័ន្ធ និងពលករក៏ដូចជាការលើកស្ទួយទំនាក់ទំនងរវាងប្រទេសទាំងពីរ ជា ពិសេសការតភ្ជាប់ស្ពាន ផ្លូវដែក និងការបើកច្រកស្ទឹងបត់ ហើយពាក់ព័ន្ធនឹងបញ្ហានយោ បាយ អ្វីដែលបានកើតឡើងក្នុងប្រទេសថៃនោះគឺគ្មានអ្នកណាដឹងមុនទេ គឺកងទ័ពបាន សម្រេចចិត្តធ្វើសកម្មភាពភ្លាមៗ ដែលនេះគឺជាដំណោះស្រាយចុងក្រោយបំផុតហើយ ដើម្បី ធ្វើយ៉ាងណារក្សាឲ្យបាននូវស្ថេរភាពនយោបាយរបស់ប្រទេសថៃ និងរៀបចំធ្វើយ៉ាងណាឲ្យ លទ្ធិប្រជាធិបតេយ្យក្នុងប្រទេសថៃឲ្យមាននិរន្តរភាព ។
មតិយោបល់