ភ្នំពេញ៖Peypey Dy តារាហ្វេសប៊ុក ដ៏ល្បីល្បាញ ចូលចិត្តបង្កើតវីដេអូឃ្លិបសំណើច របៀបបាញ់ និងលេងសម្តី ឆ្លើយឆ្លង តាមរយៈទំព័រសង្គមយក្សមួយនេះ បានប្រាប់ឲ្យដឹងថា លោក ធ្លាប់បៀមមេជើង តារាសម្តែងម្នាក់ ។
អ្នកលេងបណ្តាញសង្គមយក្ស ហ្វេសប៊ុក ជាក់ណាស់ គ្រាន់តែបានឭឈ្មោះ Peypey Dy ពិតជាស្គាល់សឹងតែគ្រប់គ្នាទៅហើយថា ជាតារាហ្វេសប៊ុក ដែលចូលចិត្តបង្កើតវីដេអូឃ្លិបប្លែកៗ ញ៉ាំងឲ្យ អ្នកលេងបណ្តាញសង្គមយក្សមួយនេះ ផ្ទុះសំណើចរាល់ពេល ។ ក្រោយភាពល្បីល្បាញលើបណ្តាញសង្គម ជាមួយនឹងភាពក្រម៉ិចក្រមើមរបស់ខ្លួន បានធ្វើឲ្យ Peypey Dy បោះសំលេងកាន់តែខ្លាំងឡើង និង ម្ចាស់ផលិតកម្ម ក្នុងស្រុកមួយចំនួនបានចាប់អារម្មណ៍ ហៅឲ្យថត ជា MV បទ ចម្រៀង និង សម្តែងរឿងទៀតផង ។
វត្តមានក្នុងពិភពសិល្បៈ ក្រៅពីការថត MV ឲ្យផលិតកម្ម ហង្សមាស Peypey Dy ក៏ចូលរួមថតរឿង ឲ្យផលិតកម្ម វេហា ជាមួយនឹងរឿង “បេសកកម្មមរណៈ” ដោយមានតារាចម្រៀង ម៉េង ប៊ុនឡូ សម្តែងជាមួយនឹងខ្លួនផងដែរ។ រឿង “បេសកកម្មមរណៈ” ជារឿងបែបកំប្លែង និងកំសត់ ដែលជាសាច់រឿងដំបូងរបស់ផលិតកម្ម វេហា ក៏ដូចជាការសម្តែងរឿងដំបូង របស់ Peypey Dy ផងដែរ។
ថ្មីៗនេះដែរ រឿង “បេសកកម្មមរណៈ” បានចេញជាវីដេអូ Trailer របស់ខ្លួន ដោយមើលទៅពិតជាធ្វើឲ្យអ្នកតាមដានសាច់រឿង និងសង្គមសិល្បៈ មិនអាចរងចាំបានទៀតទេ ។ ក្រៅពីផ្ទុះសំណើចក្នុងឈុតកំប្លែងជាច្រើនក្នុងរឿង អ្វីដែលធ្វើឲ្យអ្នកគាំទ្រចាប់អារម្មណ៍ គឺ ឈុត មួយជិះលើទូក ខណៈដែល Peypey Dy និយាយថាឃើញខ្មោចនៅចុងទូក ក៏ត្រូវអ្នកសម្តែងក្នុងរឿងនេះ យកជើងញាត់មាត់។
ឆ្លើយឆ្លងតាមរយៈទូរស័ព្ទដៃជាមួយនឹងគេហទំព័រ ដំណឹង (www.domneng.news) នៅរសៀលនេះ Peypey Dy បានប្រាប់ឲ្យដឹងថា ” ក្នុងឈុតរឿងនេះ ខ្លួនត្រូវបានតារាសម្តែងក្នុងរឿងនេះ យកជើងញាត់មាត់ខ្លួនមែន ហើយជើងនោះដែរជាជើងពិត មិនមែនក្លែងក្លាយនោះទេ ដោយឲ្យគាត់លាងជើងឲ្យស្អាត ទើបខ្លួនហានបៀមឬឲ្យគាត់ញាត់មាត់ខ្លួនក្នុងឈុតដ៏រន្ធត់នេះ” ។
តែទោះជាយ៉ាងណាសម្រាប់សាច់រឿងទាំងមូល ចេញនៅពេលណា នោះ Pey Pey ប្រាប់ថាមិនដឹងនោះទេ អាចនឹងឆាប់ៗនេះ ខណៈដែល គេហទំព័រ ដំណឹង មិនអាចទាក់ទងសួរនាំពីម្ចាស់ផលិតកម្ម វេហា បាន៕
https://i1272.photobucket.com/albums/y389/domneng/3D/PeypeyDy1_zpsc7bf1153.jpg
https://i1272.photobucket.com/albums/y389/domneng/3D/PeypeyDy3_zps594a9d44.jpg
ទស្សនារឿង បេសកកម្មមរណៈ ដូចខាងក្រោមនេះ៖
មតិយោបល់