ក្រុមគ្រូពេទ្យអូស្ត្រាលី បានអនុវត្តដោយជោគជ័យក្នុងការវះកាត់យកសាច់ដែលចុះជាប់នឹងច្រមុះរបស់ក្មេងប្រុសម្នាក់ ដែលសាច់នោះបានដុះតាំងពីកំណើត ហើយការវះកាត់ប្រកបដោយជោគជ័យបានធ្វើឲ្យក្មេងប្រុសនោះងាយស្រួលក្នុងការញ៉ាំអាហារ និងផឹកទឹក។
Jhonny Lameon មានវ័យ ៧ឆ្នាំ គេបានចុះសាច់ជាប់នឹងច្រមុះតាំងពីកំណើតដែលធ្វើឲ្យពិបាកក្នុងការដកដង្ហើម និងទទួលទានអាហារ ហើយការវះគាត់នេះត្រូវបានវេជ្ជបណ្ឌិតប្រាប់ថាស្មុគស្មាញបំផុត ព្រោះវាពាក់ព័ន្ធនឹងភ្នែក ច្រមុះ រួមនឹងមាត់។
Lameon ត្រូវបានប្រទះឃើញដោយក្រុមអងុ្គការស្ម័គ្រចិត្តមួយចុះទៅកាន់ប្រទេសហ្វីលីពីន ពេលនោះក្រុមអ្នកស្ម័គ្របានផ្ញើរូបថតរបស់ Lameon ទៅកាន់មន្ទីរពេទ្យវះកាត់កុមារមួយនៅក្នុងទីក្រុងមែលប៊ន ដោយលោក James Leong ជាអ្នកគ្រប់គ្រង។
លោក Leong បានប្រាប់ទីភ្នាក់ងារសារព័ត៌មានបារាំង AFP ថា នៅពេលឃើញរូបថតនោះ លោកបានអនុម័ត ឲ្យនាំក្មេងប្រុសនោះមក។ បន្ទប់ពីការកិច្ចសហការពីមូលនិធកុមារទី១ លោកក៏បាននាំ Lameon ទៅកាន់មន្ទីរពេទ្យវះគាត់ដោយមានគ្រូពេទ្យចំនួន ៤រូប ស្ម័គ្រចិត្តធ្វើការ។
នេះជាករណីមួយដែលកម្រនឹងជួបប្រទះ ហើយក៏ពិបាកក្នុងការវះកាត់ផងដែរ ប៉ុន្តេនៅទីបំផុតក្រុមគ្រូពេទ្យក៏បានជោគជ័យទៅលើកិច្ចការងារមួយនេះ។
ពេលនេះ Lameon អាចរត់លេង និងសើចសប្បាយរីករាយដូចក្មេងដទៃ ហើយទោះបីជាមុខមិនស្អាតបន្ដិចមែន ប៉ុន្តែវាល្អប្រសើរជាងមុនឆ្ងាយណាស់៕
មតិយោបល់