កីឡាករ Ronaldo គឺមានទំនុកចិត្តថា James Rodriguez នឹងលូតលាស់នៅ ក្លិបអធិរាជស Real Madrid ខណៈដែល ក្លិបកំពុងត្រៀមកញ្ចប់ថវិកា នាំកីឡាករសញ្ជាតិកូឡ៊ុំប៊ី រូបនេះ ។នេះបើយោងតាមប្រភពព័ត៌មាន វីគី ចុះផ្សាយ កាលពីថ្ងៃទី ៦ ខែ កក្កដានេះ។
តារាបាល់ទាត់វ័យ ២២ ឆ្នាំ ដែលបច្ចុប្បន្នបានស្វែងរកគ្រាប់បាល់ ៦ គ្រាប់ នៅលើទីលានប្រកួតបាល់ទាត់ពិភពលោក ឲ្យប្រទេសខ្លួន ដោយត្រឹមតែឈានជើងឡើងទៅកាន់វគ្គ ១៦ ក្រុមចុងក្រោយតែប៉ុណ្ណោះ ។
ក្លិបអធិរាជស Real Madrid កំពុងតែខិតខំប្រឹងប្រែង ដើម្បីនាំយកកីឡាករ របស់ក្លិបម៉ូណាកូ សញ្ជាតិកូឡ៊ុំប៊ីរូបនេះ ដើម្បីយកមកលេងជាមួយនឹង Ronaldo របស់ព័រទុហ្គាល ដែលបានចំណាយពេល ៥ ឆ្នាំ ជាមួយនឹងក្លិប ។
អតីតតារាបាល់ទាត់ប្រេស៊ីល កីឡាករ Ronaldo បានពន្យល់ប្រាប់ដល់ Marca ថា “យើងនឹងបានមើលឃើញអ្វីដែលកើតឡើង គ្រប់អ្នកលេង គឺផ្តោតសំខាន់លើ World Cup ហើយសេចក្តីប្រកាសនឹងអាចធ្វើទៅបានក្រោយចប់ការប្រកួត។ យើងជឿថាគាត់ចុះកុងត្រាជាមួយនឹង Real Madrid ដែលជាក្លិបធំមួយដ៏អស្ចារ្យលើពិភពលោក”។
បញ្ជាក់ផងដែរថា ក្រុមកូឡ៊ុំប៊ី ត្រូវបានចាកចេញពី World Cup នៅវគ្គ ១៦ ក្រុមចុងក្រោយ ពីសំណាក់ម្ចាស់ផ្ទះប្រេស៊ីល ដោយលទ្ធផល ២ – ១ ៕
មតិយោបល់