រថយន្តពីរគ្រឿងគៀបជាប់គ្នារងការខូចខាតបន្ទាប់ពីបុរសម្នាក់បើករថយន្តមួយគ្រឿងម៉ាកស៊ីអរវី បើកទៅបុកពីក្រោយរថយន្តកូរ៉េធុនធំមួយគ្រឿង ហើយនៅមិនទាន់អស់ចិត្តក៏ បើកទៅ ឆាបពីមុខបន្ថែមបណ្តាលឲ្យ គូទរថយន្តស៊ីអរវីត្រូវគៀបជាប់ជាមួយនឹងក្បាល រថយន្តកូរ៉េរង ការខូចខាត។
ហេតុការណ៍នេះដែរបានកើតឡើងកាលពី វេលាម៉ោង ២១និង ៤០នាទីយប់ថ្ងៃទី ៦ ខែកក្កដា ឆ្នាំ២០១៤ ស្ថិតតាមបណ្តោយផ្លូវ ៣៧២ ក្នុងសង្កាត់បឹងកក់ទី១ ខណ្ឌទួលគោក។
យោងតាមសាក្សីនៅកន្លែងកើតហេតុបានឲ្យដឹងថា ដំបូងឡើយគេសង្គេតឃើញ បុរស ម្នាក់ស្រវឹងបើករថយន្ត មួយគ្រឿងម៉ាកស៊ីអរវី ពណ៌ស្ករ ពាក់ស្លាកលេខភ្នំពេញ 2X-1521 បើក បរធ្វើដំណើរតាមបណ្តោយផ្លូវលេខ៣៧២ ទិសដៅពីលិចទៅកើត ក្នុងល្បឿនយ៉ាងលឿន ហើយ ក៏បានបុកពីក្រោយបញ្ចិតនឹងរថយន្តកូរ៉េធុនធំមួយគ្រឿង ពណ៌ផ្ទៃ មេឃចាស់ ពាក់ស្លាកលេខ ភ្នំពេញ 3B-6904 បើកបរធ្វើដំណើរក្នុងទិសដៅស្របគ្នាជាមួយរថយន្តស៊ីអរវី។ តែរថយន្ត ស៊ីអរនៅមិនទាន់អស់ចិត្ត ដោយសារការបុកបញ្ចិតពីក្រោយរថយន្តរបស់គេវាតិចតួចពេក ហើយ ចង់ធ្វើឲ្យទៅជាធំ ទើបបើកទៅគៀរពីមុខរថយន្តកូរ៉េធុនធំខាងលើ បណ្តាលឲ្យរថយន្តកូរ៉េ បុក ពីក្រោយគៀបជាប់គ្នារងការខូចខាតទាំងសង ខាង។
ចំណែកឯម្ចាស់រថយន្តស៊ីអរវីបើកខុសបុកគេហើយនៅមិនព្រមទទួលកំហុស ថែមទាំងទាមទារឲ្យម្ចាស់រថយន្ត កូរ៉េសងថ្លៃខូចខាតទៀតផង។
ក្រោយកើតហេតុសមត្ថកិច្ចមូលដ្ឋានបានសហការជាមួយជំនាញចុះធ្វើការអន្តរាគមន៍វាស់វែង និងយករថយន្ត ទាំងពីរគ្រឿងទៅរក្សាទុកនៅអធិការដ្ឋាននគរបាលខណ្ឌ ទួលគោករង ចាំ ដោះស្រាយនាពេលក្រោយ។
សូមបញ្ជាក់ផងដែរថា ករណីខាងលើនេះគឺបង្កឡើយដោយបុរសជាម្ចាស់ រថយន្តបើកបរ ស្ថិតក្នុងស្ថានភាពស្រវឹង ជោគជាំ មិនអាចគ្រប់គ្រងខ្លួនឯងបានទើបណ្តាលឲ្យមានរឿង ហេតុ ដូចនេះកើតឡើងតែម្តងទៅ៕
មតិយោបល់