បុរសម្នាក់ត្រូវរងរបួសជើងខាងឆ្វេង និងរងរបួសបែកមុខបែកមាត់បន្ទាប់ពីរូបគាត់ បានឈរ លេង នៅចំណុចមុខឱសថឋាន ផាសុខភាព ស្ថិតក្នុងសង្កាត់ទួលស្វាយព្រៃទី១ ខណ្ឌចំការមន ហើយ ត្រូវរថយន្តស៊ីអរវីមួយ គ្រឿងដែលបើកបរដោយបុរសម្នាក់រេចង្កូតបើកបុកបញ្ចិតពីចំហៀង បណ្តាលឲ្យបុរសរងគ្រោះដួលបោកផ្ទប់ទៅនឹងកង់ ពេញទំហឹង រីឯរថយន្តនៅមិនទាន់អស់ល្បឿន ក៏បានជ្រុលទៅបុកនឹងជញ្ជាំងផ្ទះប្រជាពលរដ្ឋបន្ថែមទៀតបណ្តាលឲ្យ រថយន្តខូចខាតផ្នែកខាងមុខ ហើយបានព្យាយាមបើករត់គេចខ្លួនតែត្រូវសមត្ថកិច្ចចាប់ឃាត់បាន។
ហេតុការណ៍គ្រោះថ្នាក់ ចរាចរណ៍នេះដែរបានកើតឡើងកាលពីវេលាម៉ោង ២២និង ៤៥នាទីយប់ថ្ងៃទី៦ ខែកក្កដា ឆ្នាំ២០១៤។
បុរសរងគ្រោះខាង លើមាន ឈ្មោះ សេក សុភ័ក្ត្រ អាយុ២៦ឆ្នាំ មានមុខរបរជា ប្រជា ការពារ ខណ្ឌចំការមន ទីកន្លែងស្នាក់នៅជិតកន្លែងកើតហេតុខាងលើ។
តាមសាក្សីដែលបានឃើញហេតុការណ៍បានឲ្យដឹងថា នៅមុនពេលកើតហេតុ គេសង្គេត ឃើញ ឈ្មោះ សេក សុភ័ក្ត្រ កំពុងតែឈរជជែកគ្នាជាមួយអ្នកជិតខាងទល់មុខឱសថឋាន ផាសុខ ភាព ហើយខណៈនោះស្រាប់តែមានរថយន្ត ស៊ីអរវីមួយគ្រឿង ពណ៌ខ្មៅ ពាក់ស្លាកលេខភ្នំពេញ 1D-2546 បើកបរដោយបុសរម្នាក់ ទិសដៅពីត្បូងទៅជើង ក្នុងល្បឿនយ៉ាងលឿន ក៏បាន រេចង្កូតទៅបុកបញ្ចិតជើងឆ្វេងឈ្មោះ សេក សុភ័ក្ត្រ បណ្តាលឲ្យបុរសឈ្មោះ សេក សុភ័ក្ត្រ ដួលបោកផ្ទប់ទៅនឹងកង់បី បែកមុខបែកមាត់ហើយជើងរបស់ខ្លួនត្រូវក្រិចខ្លាំងមិនអាចដើររួច ចំណែកឯរថយន្តស៊ីអរវី នៅមិនទាន់អស់ល្បឿនក៏បានជ្រុលល្បឿនបន្ថែម ទៅបុកនឹងជញ្ជាំងផ្ទះ ប្រជាពលរដ្ឋបណ្តាលឲ្យជញ្ជាំងត្រូវរងការខូចខាត បន្តិចបន្តួចតែប៉ុណ្ណោះ ព្រោះជញ្ជាំងមាន សភាព រឹងមាំ តែចំណែករថយន្តត្រូវរងការខូចខាតកង់មុខផ្នែកខាងស្តាំ។ ទោះបីជារថយន្តត្រូវរងការខូច ខាតកង់មុខយ៉ាងណាក៏ដោយ ក៏បុរសជាម្ចាស់រថយន្តនៅតែព្យាយាមបើករត់គេចខ្លួន តាំងពីចំណុច កើតហេតុរហូតដល់ ចំណុចផ្លូវលេខ២២៣ ទល់មុខផ្ទះលេខ៦៦ ទើបត្រូវសមត្ថកិច្ចស្ទាក់ ចាប់បាន តែម្តងទៅ ។
គួរបញ្ជាក់ផងដែរថា ទោះបីជាមានកម្លាំងសមត្ថកិច្ច ក៏ដូចជាសាក្សីដែលបានឃើញហេតុ ការណ៍ មកអះអាងថា រថយន្តខាងលើបានបុកគេហើយនោះ ក៏បុរសជាម្ចាស់រថយន្ត នៅតែអះ អាង ប្រាប់សមត្ថកិច្ចក៏ដូចជាក្រុមអ្នកកាសែត ថាខ្លួនមិនបានបុកគេនោះទេ គឺ រថយន្តរបស់ខ្លួនត្រូវកិន ជាមួយនឹងដែកគោល តែខ្លួនខ្ជិឈប់ទើបសម្រេចបើករថយន្តមក ដល់ទីនេះតែម្តងទៅ តែហេតុអ្វីបា នជាសមត្ថកិច្ចក៏ដូចជាប្រជាពលរដ្ឋចោទលោកថា បានបើករថយន្តបុកគេទៅវិញ។ នេះពិតជាទង្វើ ដែលអសីលធ័មមួយ ចំពោះការដែលខ្លួនបានប្រព្រឹត្តិហើយមិនព្រមទទួល។ ប្រជាពលរដ្ឋនៅជិ តកន្លែង កើតហេតុបានរិះគន់ថា ជិះសិតតែឡាន បុកគេហើយសងសំណង ទៅគេទៅ ចប់បាត់ ទៅ ហើយ ហេតុអ្វីចាំបាច់ប្រកែកថា ខ្លួនមិនបានធ្វើទៅវិញ។
ទោះជាមានការរិះគន់ ក៏ដូចជាមានសាក្សីឃើញហេតុការណ៍យ៉ាងណាក៏ដោយ ក៏បុរស ខាងលើនៅតែប្រកែកថា ខ្លួនមិនបានធ្វើ ទើបសមត្ថកិច្ចសម្រេចដឹកបុរសរងគ្រោះ ផ្ទាល់ឲ្យមកកាន់ កន្លែងកើតហេតុ ដើម្បីឲ្យមកបញ្ជាក់ប្រាប់ម្ចាស់ រថយន្តថា គេជាអ្នកធ្វើឬក៏មិនមែន? រហូតដល់មាន ការជជែកគ្នារវាងភាគីខាងរថយន្តបង្ក និងបុរសរងគ្រោះរួចមកទើប បុរសជាម្ចាស់រថយន្តបង្កសុខចិ ត្តទទួលស្គាល់ថា ខ្លួនពិតជាបានបុកគេមែន ហើយព្រមចេញថ្លៃខូចខាតទាំងប៉ុន្មានទៅខាង ភាគីរង គ្រោះនៅកន្លែងកើតហេតុភា្លមៗដើម្បីបញ្ចប់រឿងព្រោះមិនចង់ឲ្យមានរឿងវែងឆ្ងាយបន្ត។
មតិយោបល់