ភ្នំពេញ-បុរសស្រវឹងស្រាជោកជាំម្នាក់ដែលគេស្គាល់ថាជាអធិការរងខណ្ឌទួលគោក ទទួលបន្ទុប់ផ្នែកព្រហ្មទណ្ឌបានបើករថយន្តឡិចស៊ីស RX 300 ពណ៌ស មួយគ្រឿងក្នុងល្បឿនលឿនហើយរេចង្កូតពេញផ្លូវបានទៅបុករថយន្តហុងដា ស៊ីវិច ពណ៌ស មួយគ្រឿងដែលឈប់ចតលើចញ្ចើមផ្លូវមុខផ្ទះចំពីមុខពេញទំហឹង បណ្តាលឲ្យរថយន្ត ហុងដា ស៊ីវិច រងកាខូចខាតមួយចំហៀងខាងស្តាំ ឯលរថយន្តឡិច ស៊ីស របស់លោកអធិការរងខណ្ឌទួលគោករូបនោះ ក៏រងការខូចខាតដែរ តែអ្វីដែលធ្វើអោយប្រជាពលរដ្ឋឈរមើលនៅកន្លែងកើតហេតុហួសចិត្តនោះ គឺគេឃើញលោកអធិការរងរូបនោះបានចុះពីលើរថយន្តមិនព្រមធ្វើការដោះស្រាយទេ បែរជាទូរស័ព្ទហៅ មន្ត្រីប៉ូលីស៣នាក់ មកធ្វើការដោះស្រាយជាមួយជនរងគ្រោះ ដោយធ្វើការដោះស្រាយមិនត្រូវ លោកអធិការរងរូបនោះក៏បានដើរទៅដកយកកាំភ្លើងខ្លីចេញពីក្នុងរថយន្ត រួចអាមេ បង្កអោយមានភាពភ្ញាក់ផ្អើលដល់ប្រជាពលរដ្ឋដែលឈរមើលហេតុការណ៍នោះរត់ជាន់ជើងគ្នា។
ហេតុការណ៍នេះបានកើតឡើងកាលពីវេលាម៉ោង ៩នឹង១០នាទីយប់ថ្ងៃទី១៣ ខែកក្កដា ឆ្នាំ២០១៤ តាមបណ្តោយផ្លូវ១៤៦ ទល់មុខផ្ទះលេខ៩៩ ស្ថិតក្នុងសង្កាត់ទឹកល្អក់ទី២ ខណ្ឌទួលគោក។ ប្រភពពត៏មានពីកន្លែងកើតហេតុបានអោយដឹងថា មុនពេលកើតហេតុមាន រថយន្តឡិចស៊ីស RX 300 ពណ៌ស មួយគ្រឿងពាក់ស្លាកលេខភ្នំពេញ 2R-0203 បើកបរដោយបុរសស្រវឹងស្រាជោកជាំម្នាក់ ដែលគេស្គាល់ថាជាលោកអធិការរងខណ្ឌទួលគោក ទទួលបន្ទុបផ្នែកព្រហ្មទណ្ឌ បានធ្វើដំណើរយ៉ាងលឿនតាមផ្លូវ១៤៦ ក្នុងទិសដៅពីលិចទៅកើតស្រាប់តែមកចំណុចកើតហេតុក៏បានរេចង្កូតទៅបុកទៅរថយន្តហុង ដា ស៊ីវិច ពណ៌ស មួយគ្រឿងទៀតពាក់ស្លាកលេខភ្នំពេញ 2U-1857 ដែលឈប់ចតលើចញ្ចើមផ្លូវមុខផ្ទះចំពីមុខពេញទំហឹងបណ្តាលរថយន្ត ហុងដា ស៊ីវិចរងការខូចខាតមួយកំណាត់ខាងស្តាំ ឯលរថយន្តលោកអធិការរងខណ្ឌទួលគោករូបនោះ ក៏រងការខូចខាតមួយចំហៀងខាងឆ្វេងដែរ ។
ក្រោយពេលកើតហេតុលោកអធិការរងខណ្ឌទួលគោករូបនោះមិនព្រមធ្វើការដោះស្រាយផ្ទាល់ជាមួយភាគីរងគ្រោះទេ បែរជាទូរស័ព្ទហៅ មន្ត្រីប៉ូលីស៣នាក់មកធ្វើការដោះស្រាយជាមួយភាគីម្ចាស់រថយន្តរងគ្រោះទៅវីញ តែនៅពេលមន្ត្រីប៉ូលីស៣នាក់នោះធ្វើការដោះស្រាយគ្នាមិនត្រូវ លោកអធិការរងខណ្ឌទួលគោករូបនោះបានដើរទៅដកយកកាំភ្លើងខ្លី ចេញពីក្នុងរថយន្តរួចអាមេបញ្ចូលគ្រាប់ តែមិនដឹងថាលោក អាមេកាំភ្លើងបញ្ចូលគ្រាប់ដើម្បីធ្វើអ្វីទេ បង្កអោយមានភាពភ្ញាក់ផ្អើលដល់ប្រជាពលរដ្ឋដែលចោមរោមមើលហេតុការណ៍នោះរត់ជាន់ជើងគា្នចូលផ្ទះអស់ទៅ។ឃើញដូចនោះមន្ត្រីប៉ូលីស ៣នាក់ដែលចុះទៅធ្វើការដោះស្រាយជាមួយជនរងគ្រោះនោះបានរំដោះយកលោកអធិការរងខណ្ឌទួលគោករូបនោះចេញពីកន្លែងកើតហេតុបាត់ទៅចំណែករថយន្តទាំង២គ្រឿងត្រូវបានប៉ូលីសវាស់វែងយកទៅរក្សាទុកនៅអធិការខណ្ឌទួលគោកដើម្បីធ្វើការដោះស្រាយគ្នាតាមផ្លូវច្បាប់៕រហូតមកដល់ពេលនេះយើងមិនទាន់អាចសុំការបំភ្លឺពីលោកអធិការរងខណ្ឌទួលគោកទទួលបន្ទុបផ្នែកព្រហ្មទណ្ឌរូបនេះបាននៅឡើយទេជុំវិញករណីហេតុការណ៍ខាងលើនេះ។
មតិយោបល់