ក្រុមហ៊ុន Samsung បាននិយាយថា ខ្លួនបានផ្អាកទំនាក់ទំនងអាជីវកម្មជាមួយនឹងក្រុមហ៊ុនផ្គត់ផ្គង់នៅក្នុងប្រទេសចិន បន្ទាប់ពីរងការចោទប្រកាន់ថា បានជួលបុគ្គលិកជាកុមារ មិនទាន់គ្រប់អាយុឲ្យធ្វើការងារ។
ក្រុមហ៊ុនបច្ចេកវិទ្យាកូរ៉េខាងត្បូងបានថ្លែងឲ្យដឹងនៅថ្ងៃចន្ទនេះថា ខ្លួនបានរកឃើញភស្ដុតាងដែលបញ្ជាក់ថា បានរំលោភលើកពលកម្មកុមារ និងការជ្រើសរើសខុសច្បាប់នៅក្នុងក្រុមហ៊ុន Dongguan Shnyang Elecronics Co ក្នុងប្រទេសចិន។
កាលពីសប្ដាហ៍មុន Samsung បានិយាយថា បើសិនជារកឃើញភស្ដុតាងដែលបញ្ជាក់ថា រោងចក្រផ្គត់ផ្គង់របស់ខ្លួននៅក្នុងប្រទេសចិន បានរំលោភលើពលកម្មកុមារមែននោះ ខ្លួននឹងមានវិធានការជាបន្ទាន់។
អង្គការឃ្លាំមើលការងារនៅក្នុងប្រទេសចិនបាននិយាយថា ក្មេងដែលមិនទាន់គ្រប់អាយុនោះត្រូវបានក្រុមហ៊ុន Shinyang ជួលឲ្យមកធ្វើការងារចន្លោះពី ៣ទៅ៦ខែដើម្បីបង្កើតការងារឲ្យគ្រប់ទៅតាមការកំណត់៕
មតិយោបល់