ក្រុមកងជីវពលរបស់ប្រទេសលីប៊ី បានប្រគល់ព្រលានយន្តហោះរបស់ក្រុងទ្រីប៉ូលី ពីថ្ងៃ អាទិត្យនេះ ដោយបញ្ចប់ការត្រួតត្រាមជ្ឈមណ្ឌលអាកាស យ៉ាងសំខាន់ រយៈពេល៣ឆ្នាំរបស់ពួកគេ នៅក្នុងប្រទេសអាហ្វ្រិកខាងជើងនេះ ។
លោក អាម៉ាដ ហាឌីយ៉ា ( Ahmad Hadia ) អ្នកនាំពាក្យកងវរសេនាតូចលីប៊ី Dirh បានប្រាប់ទីភ្នាក់ងារព័ត៌មានចិនស៊ីនហួថា នៅក្រោមកិច្ចព្រម ព្រៀងមួយ ដែលបានសម្រេចជាមួយរដ្ឋាភិបាលនោះ ពួកយុទ្ធជនរបស់ពួកគេនឹងប្រគល់ព្រលានយន្តហោះអន្តរជាតិ ទ្រីប៉ូលី ក្នុងរង្វង់ ២៤ម៉ោងទៅឱ្យ កងកម្លាំងសន្តិសុខដែលជារបស់ក្រសួងមហាផ្ទៃលីប៊ី ។
លោក ហាឌីយ៉ា បាននិយាយថា ការប្រគល់នេះនឹងត្រូវគេបញ្ចប់ ។ វាមានន័យថាព្រលានយន្តហោះនេះនឹងត្រូវគេផ្ទេរទៅឱ្យទីភ្នាក់ងារសន្តិសុខ រដ្ឋាភិបាលជាផ្លូវការមួយ បន្ទាប់ពីការត្រួត ត្រាព្រលានយន្តហោះរបស់ពួកឧទ្ទាមជិត៣ឆ្នាំមក ។
កាលពីថ្ងៃសៅរ បណ្តាញទូរទស្សន៍ក្នុងស្រុកអាល់-ណាបាអា បានបញ្ជាក់អះអាងថា ព្រលានយន្តហោះមួយទៀតក្នុងស្រុកទ្រីប៉ូលី គឺព្រលានយន្ត ហោះម៉ាទីហ្គា ត្រូវបានប្រគល់ទៅឱ្យកងយោធាលីប៊ីវិញ ដោយក្រុមសកម្មប្រយុទ្ធមួយ ។ អាល់-ណាបាអា បាននិយាយថាពិធីជាផ្លូវការ មួយត្រូវ បានគេធ្វើឡើង កាលពីរសៀលថ្ងៃសៅរ ។
ព្រលានយន្តហោះទាំងពីរនេះ ត្រូវបានកាន់កាប់ដោយក្រុមជីវពល មកពីទីក្រុងជីនកាន នៅភាគខាងលិច ចាប់តាំងពីចលាចលឆ្នាំ២០១១ ដែលបាន ផ្តួលរំលំអតីតមេដឹកនាំលីប៊ី លោក មួម៉ារ កាដាហ្វ៊ី ។
ប្រភពនានាបាននិយាយថា ក្រុមជីវពលបានប្រគល់ព្រលានយន្តហោះនេះធ្វើជាកាយវិកា ដ៏ល្អមួយដល់រដ្ឋាភិបាលថ្មីនាពេលខាងមុខ ដែលនឹងត្រូវ គេបង្កើតឡើងបន្ទាប់ពីការផ្សាយ លទ្ធផលបោះឆ្នោតសភា កាលពីខែកន្លងទៅនៅថ្ងៃទី២០ ខែកក្កដានេះ ៕
មតិយោបល់