ភ្នំពេញ ៖ បុរសម្នាក់ស្រវឹងធ្លាក់ភ្នែកម្នាក់បានបើករថយន្តម៉ាក តូយ៉ូតា WISH ទៅបុករបាំងថ្ម ពុះចែកទ្រូងផ្លូវបាក់អស់៣កង់ កាលពីវេលាម៉ោង ១០ និង ៤០នាទីយប់ ថ្ងៃទី១៥ កក្កដា ២០១៤នៅចំណុចមុខក្រុមហ៊ុនរថយន្តទេសចរណ៍រិទ្ធមុនី ដឹកដំណើរ តាមបណ្តោយផ្លូវម៉ៅសេទុង ស្ថិតនៅក្នុងសង្កាត់បឹងសាឡាង ខណ្ឌទួលគោក ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញបុរសម្នាក់ស្រវឹងស្រាជោគជាំ បានបើករថយន្តម៉ាក តូយ៉ូតា WISH ពណ៌ខ្មៅមួយគ្រឿង ពាក់ស្លាកលេខភ្នំពេញ 2I-7080 ធ្វើដំណើរយ៉ាងលឿនតាមផ្លូវម៉ៅ សេ ទុង ក្នុងទិសដៅ ពីត្បូង ទៅ ជើង មកដល់ចំណុចកើតហេតុរថយន្តក៏បានរេចង្កូតទៅបុករបាំងថ្ម ពុះចែកទ្រូងផ្លូវបាក់អស់បីកង់ ។
ក្រោយពេលកើតហេតុសមត្ថកិច្ចបានធ្វើការវាស់វែងយករថយន្តបង្កហេតុខាងលើទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីធ្វើការដោះស្រាយតាមផ្លូវច្បាប់ ៕
មតិយោបល់