កីឡាករ Chicharito, Cleverley , Fellaini និងកីឡាករជាច្រើនទៀត ដែលជាប់ឈ្មោះក្នុងបញ្ជី ចាកចេញពីទឹកដី Old Trafford ក្រោមការដឹកនាំរបស់ លោក Van Gaal ។
សារព័ត៌មាន Mirror បានចុះផ្សាយថា គ្រូបង្វឹក Van Gaal បានបង្ហាញគម្រោងលម្អិត ផែនការលក់ កីឡាករ ១០ នាក់ ចេញពី បិសាចក្រហម ក្នុងនោះរួមមាន កីឡាករ Fellaini, Nani, Chicharito , Ashley Young,Chicharito, Cleverley ជាដើម ។
ហេតុផលដែលគ្រូបង្វឹករូបនេះចង់លក់ កីឡាករទាំងអម្បាលមាន ខាងលើ ដោយសារតែគាត់គ្រោងនឹងជ្រើសរើស កីឡាករយ៉ាងហោចណាស់ ៤ នាក់បន្ថែមទៀត មកកាន់ Old Trafford ក្នុងនោះមានកីឡាករ , Ander Herrera និង Luke Shaw ។
កីឡាករ ២ នាក់រួចហើយ ដែលកំពុងរៀបចំបង្វេចដើរចេញនោះ មាន Evra (Juventus) និង Chicharito ខាងក្លិបនៅក្របខណ្ឌ Serie A កំពុងស្នើសុំផងដែរ ។ ក្រៅពីនេះ លោក Van Gaal គ្រោងនឹងលក់កីឡាករ Ashley Young, Wilfried Zaha, Marouane Fellaini, Bebe, Anderson, Tom Cleverley, Nani និង Nick Powell ។
ហេតុផលមួយដែលគេយល់ឃើញ ថា លោកចង់កាត់បន្ថយ ការងារដោយលក់កីឡាករទាំងនោះ គឺដើម្បីផ្តល់ឱកាសឲ្យ យុវជនផ្សេងទៀត ក្នុងនោះមាន James Wilson , Tom Lawrence, Jesse Lingard, Michael និង Will Keane ។
បញ្ជាក់ផងដែរថា Van Gaal បានមកដល់ បិសាចក្រហម កាលពីថ្ងៃពុធ ដោយជួបជុំកីឡាករជាច្រើន នឹងហ្វកហាត់កាលពីថ្ងៃ ព្រហស្បត្តិ៍ផងដែរ៕
មតិយោបល់