ភ្នំពេញ ៖ អ្នកយកព័ត៌មាន របស់ស្ថានីយទូរស្សន៍ ហង្សមាស ផ្នែកសន្តិសុខ ម្នាក់ ត្រូវបានប្រធាន សន្តិសុខឯកជន ប្រចាំមន្ទីរពេទ្យរុស្ស៊ី ឈ្មោះ កើត ផល្លី អាយុ ៤០ឆ្នាំ និងកូនប្រុស ព្រមទាំងកូនចៅ ព្រួតវាយបណ្តាលឲ្យបែកក្បាលហូរឈាម ហើយត្រូវចាប់ឃុំខ្លួន អស់ជាង១ថែមទៀត ។ ហេតុភ្ងាក់ផ្អើលខាងលើនេះបានកើតឡើងកាលពីវេលាម៉ោង ៥និង៣០នាទីល្ងាច ថ្ងៃទី២០ខែកក្កដាឆ្នាំ ២០១៤ នៅចំណុចមន្ទីរពេទ្យរុស្ស៊ី ក្នុងសង្កាត់ទំនប់ទឹក ខណ្ឌចំការមន ។
យោងតាម នាយកព័ត៌មាន របស់ ស្ថានីយទូរស្សន៍ ហង្សមាស បានឲ្យដឹងថា បុគ្គលិករបស់លោក ដែលជាជនរងគ្រោះត្រូវគេចវាយបែក ក្បាលនោះ ឈ្មោះ ឡេង សុវណ្ណសុធា ជាបុគ្គលិកយកព័ត៌ មានផ្នែក សន្តិសុខពេលយប់ ហើយបញ្ហានេះគឺ គ្រាន់តែ បុគ្គលិក របស់លោកចុះទៅ ថតរូបភាព និងយកព័ត៌មានពាក់ព័ន្ធ នឹងស្ត្រីម្នាក់ ដែលមានកូនឈឺស្លាប់ ហើយត្រូវការយក រថយន្តមកដឹកសាក សពចេញ ពីមន្ទីរពេទ្យរុស្ស៊ី តែប៉ុណ្ណោះ តែបែរជាត្រូវក្រុមសន្តិសុខឯកជន ប្រចាំមន្ទីរពេទ្យរុស្ស៊ី មកចាប់និងវាយបណ្តាលឲ្យបែកក្បាល់ហូរឈាម រួចថែមទាំងចាប់បុគ្គលិកយកព័ត៌មានគាត់ ទៅឃុំខ្លួនជិតមួយម៉ោងទៀត ដូចជាអ្នកយកព័ត៌មានខាងលើនេះជាជនល្មើសចឹង ។
តាមការនិយាយរបស់ជនរងគ្រោះ ឡេង សុវណ្ណសុធា បានឲ្យដឹងថា មុនពេលកើតហេតុ រូបគេនិងអ្នកកាសែត ក្នុងស្រុកម្នាក់ទៀត បានចុះទៅយកព័ត៌មាន នៅមន្ទីរពេទ្យរុស្ស៊ី ដោយសារតែ មានស្ត្រីម្នាក់ មិនមាន លុយឲ្យពេទ្យ នៅពេលកូនឈឺស្លាប់ ហើយត្រូវការដឹកចេញ ពីមន្ទីរពេទ្យដើម្បីដឹកយកទៅផ្ទះធ្វើបុណ្យ តែស្ត្រីនោះគ្មានលុយ ក៏បានទេទូរស្ទព័ទៅវិទ្យុក្នុងស្រុកមួយ ហើយខណៈ ដោយរូបគាត់គឺជាអ្នកយកព័ត៌មានឭព័ត៌មាននេះក៏បានជិះម៉ូតូទៅថតយក រូបភាពដើម្បី យកមកផ្សាយ ។តែពេលចុះទៅយកព័ត៌មាននោះ ស្រាប់តែ ស្ត្រីម្នាក់ជាប្រធានសន្តិសុខ ឯកជនរបស់ ក្រុមហ៊ុនហ្គារូដា បានហាមឃាត់ មិនឲ្យថតយកព័ត៌មាននិងរារាំងយ៉ាងខ្លាំង ស្រាប់តែស្ត្រី ប្រធានសន្តិសុខឯកជន ប្រចាំមន្ទីរពេទ្យរុស្ស៊ី ខាងលើ បាននាំកូនប្រុសរបស់ខ្លួន និងកូនចៅ របស់គាត់មក ព្រួតវាយ ទៅលើរូបគាត់ដោយយកវិទ្យុទាក់ទង វាយក្បាល បណ្តាលឲ្យបែកក្បាលហូរឈាម និងចាប់យកកាមមេរ៉ា រួមទាំងទូរស្ទព័ ពីគាត់ អស់ ហើយមិនត្រឹមតែប៉ុណ្ណោះ ស្ត្រីជាប្រធានសន្តិសុខឯកជន នេះ ក៏បញ្ចា ឲ្យកូនចៅរបស់គេចាប់គាត់យក ទៅឃុំខ្លួន នៅស្នាក់កា ររបស់គេទៀត។
ដោយក្នុងហេតុការណ៏នេះបុរសម្នាក់ដែលជាអ្នកយកព័ត៌មាន ម្នាក់ទៀត មិនត្រូវបានគេចាប់ ខ្លួន ក៏ទៅរកកម្លាំងសមត្ថកិច្ច ឲ្យចុះជួយនៅកន្លែង ភ្លាមៗ ។ ដោយលែក ក្រោយកើតហេតុ ស្ត្រីជាប្រធានសន្តិសុខឯកជន និងជាជនបង្ក ត្រូវបានកម្លាំង នគរបាល ខណ្ឌចំការមន ឃាត់ខ្លួន ទៅយកទៅធ្វើការសាកសួរននិងអធិការ ដ្ឋាន នគរបាលខណ្ឌ ចំការមន ដើម្បីធ្វើការដោះស្រាយគ្នាតាមផ្លូវច្បាប់ ។
មន្ត្រីនគរបាលនៃអធិការ ដ្ឋាន នគរបាលខណ្ឌ ចំការមន ក៏បានឲ្យដឹងថា ចំពោះបញ្ហានេះខាងលើនេះ គឺជនបង្កបានធ្វើការដោះស្រាយគ្នាជាមួយ និងជនរងគ្រោះ ជាសំសងលុយចំនួន២០០០ដុល្លារដើម្បី បញ្ចប់រឿង ផងដែរ ៕
មតិយោបល់