រាជធានីភ្នំពេញ៖បុរសម្នាក់បានរងរបួសធ្ងន់ធ្ងរខណៈពេលកំពង់ជិះម៉ូតូសង់ប៊ិច ពណ៌ខ្មៅ មួយគ្រឿងឆ្លងផ្លូវក៏ត្រូវរថយន្ដឡង់គ្រីស័រស៊េរី២០១៣ ពណ៌ខ្មៅមួយគ្រឿងបើកបរដោយបុរសស្រវឹងស្រាជោកជាំបុកចំពីមុខពេញទំហឹង កាលពីវេលា១០នឹង០០នាទីយប់ថ្ងៃទី២០ ខែកក្កដា ឆ្នាំ២០១៤តាមបណ្តោយផ្លូវ២៧១កែងនឹងផ្លូវ២០៧ខាងត្បួងគល់ស្ពានអាកាសស្ទឹងមានជ័យប្រមាណ១០០ម៉ែត្រស្ថិតក្នុងសង្កាត់ទំនប់ទឹក ខណ្ឌចំការមន។ភ្លាម់ៗនៅនឹងកន្លែងកើតហេតុសមត្ថកិច្ចមិនទាន់ស្គាល់អត្តសញ្ញាណជនរងគ្រោះនៅឡើយទេ។
យោងតាមប្រភពពត៏មានពីកន្លែងកើតហេតុបានឲ្យដឹងថាមុនពេលកើតហេតុ មានរថយន្តឡង់គ្រីស័រ ពណ៌ខ្មៅមួយគ្រឿងពាក់ស្លាកលេខភ្នំពេញ 2AA-1841 បើកបរដោយបុរសស្រវឹងស្រាជោកជាំម្នាក់បានធ្វើដំណើរយ៉ាងលឿនតាមផ្លូវ២៧១ក្នុងទិសដៅពីត្បួងទៅជើងស្រាប់តែមកដល់ចំណុចកើតហេតុជាផ្លូវបែកជាបីក៏មានម៉ូតូសង់ប៊ិច ពណ៌ខ្មៅមួយគ្រឿងអត់ស្លាកលេខ ដែលធ្វើដំណើរតាមផ្លូវ២០៧ក្នុងទិសដៅពីកើតទៅលិចឆ្លងផ្លូវក៏ត្រូវរថយន្តឡង់គ្រីស័របុកចំពីមុខពេញទំហឹងបណ្តាលឲ្យបុរសម្នាក់ដែលជាអ្នកបើកម៉ូតូរងរបួសធ្ងន់ធ្ងរត្រូវបានមិត្តភក្តិដឹកតាមម៉ូតូយកទៅធ្វើសង្គ្រោះនៅមន្ទីរពេទ្យរុស្ស៊ី ។ចំណែកម៉ូតូនឹងរថយន្តត្រូវបានសមត្ថកិច្ចធ្វើការវាស់វែងយកទៅរក្សាទុកនៅអធិការដ្ឋាននគរបាលខណ្ឌចំការមនដើម្បីធ្វើការដោះស្រាយតាមផ្លូវច្បាប់។
មតិយោបល់