កីឡាករ James Rodriguez នឹងពាក់អាវលេខ ១០ ដែលជាលេខអាវល្បីល្បាញ ខណៈដែលចុះកិច្ចសន្យាជាមួយនឹង អធិរាជស Real Madird កាលពីថ្ងៃអង្គារ កន្លងទៅនេះ។ អាវលេខ ១០ នេះដែរ ជាលេខ អាវដែលចាប់អារម្មណ៍បំផុត នៅ លើទីលានបាល់ទាត់ ហើយ Real Madrid បានបាត់បង់កូនសោដ៏សំខាន់ ចាប់តាំងពី Mesut Özil ចាកចេញពីក្លិបទៅកាន់ កាំភ្លើងធំ ។ ដើមឡើយវាជារឿងចំអកឡក់ឡឺយណាស់ ដោយសារតែក្លិបឈ្នះ Champions League ទី ១០ តែ គ្មានកីឡាករពាក់អាវលេខ ១០ នៅលើទីលាន ប៉ុន្តែឥឡូវអ្វីៗបានផ្លាស់ប្តូរ។
កីឡាករសញ្ជាតិកូឡ៊ុំប៊ី នឹងពាក់អាវដែលមានមោទនៈភាពនេះ នឹងក្នុងនាមជាកីឡាករ Real Madrid ។
នៅពេលនេះដែរ ប្រធានក្លិប Florentino Perez អាចគេងលក់ស្កប់ស្កល់ យ៉ាងសុវត្ថិភាព នៅពេលដែលដឹងថាក្លិបមានកីឡាករកំពូលអាចពាក់អាវលេខ ១០ បាន ។ Florentino Perez បាសុបិន្តអាក្រក់កាលពីឆ្នាំ ២០០៩ និង ២០១០ ខណៈដែល Lass Diarra ពាក់អាវលេខ ១០ តែបែរជាធ្វើឲ្យទំហំតម្លៃផ្សាយពាណិជ្ជកម្មធ្លាក់ចុះ យ៉ាងខ្លាំងទៅវិញ ។
មតិយោបល់