ភ្នំពេញ៖ មនុស្ស៣នាក់បានរងរបួសធ្ងន់និងស្រាល បានជួបជាមួយគ្រោះថ្នាក់ចរាចរណ៏ រវាង ម៉ូតូនិង រ៉ឺម៉ក ម៉ូតូកង់បីបុក គ្នានៅចំណុច ផ្លូវ បែកជាបួន ដោយពួកគេជិះធ្វើដំណើរក្នុងល្បឿនលឿនដូចគ្នា កាលវេលាម៉ោង ១១និង៣០នាទីយប់ថ្ងៃទី២៣ ខែកក្កដា ឆ្នាំ២០១៤ ស្ថិតនៅតាមបណ្តោយផ្លូវលេខ ៣១០ កែងផ្លូវ លេខ ១៧៣ ក្នុងសង្កាត់ទួលស្វាយព្រៃ១ ខណ្ឌ ចំការមន ។
ប្រភពពីកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញរ៉ឺម៉ក ម៉ូតូកង់បី មួយ គ្រឿង ពណ៌ទឹកប៊ិច មិនមានស្លាក់លេខ បើកបរដោយបុរសម្នាក់និងរួមដំណើរជា មួយបុរសបីនាក់ ទៀត បានធ្វើ ដំណើរតាមបណ្តាយផ្លូវលេខ ១៧៣ ក្នុងទិសដៅពីត្បូងទៅ ជើង ខណៈ ដែល មកដល់ ចំណុចផ្លូវ លេខ ១៧៣ ក៏ស្រាប់តែមានម៉ាកវីវ៉ា ស្ស៊ូហ្គុន មួយគ្រឿង ពាក់ស្លាកលេខភ្នំពេញ 1AQ-4308 ធ្វើដំណើរយ៉ាងលឿនតាមផ្លូវ៣១០ ក្នុងទិសដៅពីកើតទៅលិចមកដល់ចំណុចកើតហេតុក៏បានបុកគ្នាជាមួយ រ៉ឺម៉ក ម៉ូតូកង់បី យ៉ាងពេញទំហឹងបណ្តាលឱ្យក្រឡាប់ រ៉ឺម៉ក ម៉ូតូកង់បី ហើយកៀបជាប់មនុស្សម្នាក់នៅក្រោម រ៉ឺម៉ក ម៉ូតូកង់បីត្រូវបានអ្នកដែលរងរបួសស្រាល ជួយទាញ់ ចេញហើយ ក៏បានត្រូវ រថយន្តសាមុយដឹងយកទៅមន្ទីរពេទ្យព្យាបាលភ្លាមៗ ហើយចំណែកម្ចាស់វីវ៉ា ស្ស៊ូហ្គុន ក៏រងរបួសត្រូវដៃដែលតែគាត់មិនព្រមទៅមន្ទីរពេទ្យដោយរូបថានៅរងចាំសមត្ថកិច្ចដោះស្រាយសិន។ ក្រោយពេលកើតហេតុសមត្ថកិច្ចបានយក រ៉ឺម៉ក ម៉ូតូកង់បីនិងម៉ូតូ ខាងលើយកទៅទុកនៅការិយាល័យ ចរាចរនៃអធិការដ្ឋាននគរបាលរាជធានីភ្នំពេញ ដើម្បីរងចាំ ដោះស្រាយតាមផ្លូវច្បាប់៕
មតិយោបល់