ភ្នំពេញ ៖ ជនបរទេសម្នាក់បានស្លាប់បាត់បង់អាយុជីវិតបន្ទាប់ពីជួបគ្រោះថ្នាក់ចរាចរណ៍រថយន្តបើកគេចម៉ូតូមួយគ្រឿងជ្រុលទៅបុកបង្គោលភ្លើងបាក់រាបដល់ដី រួចជ្រុលទៅបុករបងសាលាតិចណូ ហើយរថយន្តមិនទាន់អស់ល្បឿនក៏បានជ្រុលចង្កូតធ្លាក់ផ្លូវបណ្តាលឱ្យរថយន្តបោកផ្ទប់នឹងដើមគ្រាប់បែកក្រឡាប់កៀបអ្នកបរស្លាប់ក្នុងរថយន្តតែម្តង។ ហេតុការណ៍នេះកើតឡើងកាលពីវរលាម៉ោង ៣និង ២០នាទីទៀបភ្លឺ ថ្ងៃទី ២៤ កក្កដា ២០១៤នៅចំណុចមុខមន្ទីរពេទ្យកុមារជាតិ ស្ថិតនៅក្នុងសង្កាត់ទឹកថ្លា ខណ្ឌសែនសុខ ។
ប្រភពពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញបុរស បរទេសម្នាក់បានបើករថយន្តម៉ាកហាយឡែនឌ័រមួយគ្រឿង ពណ៌ស្ករ ដោយធ្វើដំណើរយ៉ាងលឿនតាមមហាវិថីសហព័ន្ធរុស្ស៊ី ក្នុងទិសដៅពីកើតមកលិច មកដល់ចំណុច មន្ទីរពេទ្យកុមារជាតិ រថយន្តបានបើកគេចម៉ូតូមួយគ្រឿង ហើយបានជ្រុលចង្កូតទៅបុកបង្គោលភ្លើងមួយដើមបាក់រាបដល់ដី រួចក៏បានជ្រុលទៅបុករបងសាលាតិចណូ រថយន្តមិនទាន់អស់ល្បឿនក៏បានជ្រុលចង្កូតធ្លាក់ផ្លូវទៅបុកផ្ទប់និងដើមគ្រាប់បែកបណ្តាលឱ្យក្រឡាប់រថយន្តកៀបអ្នកបើកស្លាប់ក្នុងរថយន្តនៅនឹងកន្លែងកើតហេតុ៕
មតិយោបល់