អេស្ប៉ាញ៖ខ្សែបម្រើស្លាបរបស់ក្លិប Real Madrid កីឡាករ Gareth Bale បាននិយាយថា ក្លិបយក្សអេស្ប៉ាញ បានកំណត់ទិសដៅរបស់ខ្លួន មិនក្រៅពីអ្វី យុទ្ធនាការ ដើម្បីដណ្តើមពាន និងការពារពាន សម្រាប់រដូវកាល ២០១៤ និង ២០១៥ ខាងមុខនេះ។
កីឡាករសញ្ជាតិវែលរូបនេះ បានបំបែកកំណត់ត្រាពិភពលោក ក្នុងតម្លៃខ្លួន ៨៦ លានផោន កាលពីរដូវកាលផ្ទេរ មកពី ក្លិបមាន់ខ្នាយមាស ដោយជួយឲ្យក្លិបឈ្នះ Barcelona នៅវគ្គផ្តាច់ព្រ័ត្រ ដើម្បីលើកពាន Copa del Rey និង ឈ្នះ Atlético de Madrid នៅវគ្គផ្តាច់ព្រ័ត្រក្នុងក្របខណ្ឌ Champions League ផងដែរ ។
ទន្ទឹមជាមួយនឹងគ្នានេះដែរ កីឡាករសញ្ជាតិវែលនេះ បានត្រៀមខ្លួន ឲ្យសមនឹងតម្លៃខ្លួន ដោយត្រៀមខ្លួនដណ្តើមពាន La Liga ។ កីឡាករនេះបានបន្តទៀតថា អ្វីដែលប៉ះពាល់ដល់ខ្លួន នោះគឺ ការប្រកួតក្នុងក្របខណ្ឌ Super Cup ដែលជួបជាមួយនឹង Sevilla ក្នុងស្រុកកំណើតរបស់ខ្លួន តែសង្ឈឹមថានឹងអាចធ្វើការងារនេះ ដោយអាចទទួលបានពានផងដែរ៕
មតិយោបល់