បន្ទាយមានជ័យ ៖ នគរបាល ទាហាននិងពលរដ្ឋថៃបានសហការគ្នាចាប់បាននិងបញ្ជូនទៅតុលាការដើម្បីត្រៀមកាត់ទោសមេខ្យល់ជនជាតិថៃ៣នាក់ ករណីរំលោភបូកយុវតីពលករខ្មែរម្នាក់ និងប៉ុនប៉ងរំលោភ១នាក់ទៀតកាលពីយប់ថ្ងៃទី ២១ កក្កដាកន្លងមក នៅសណ្ឋាគារមួយកន្លែងនៅទីរួមស្រុកអារញ្ញ ខេត្តស្រះកែវ ។
លោកនេត សេរី អគ្គកុងស៊ុលកម្ពុជាប្រចាំខេត្តស្រះកែវប្រទេសថៃប្រាប់ គេហទំព័រ ស៊ីអ៊ី អិន ថ្ងៃទី២៤ កក្កដាថា:យោងប្រភពនិងកិច្ចសហការដ៏ល្អនីងភាគីថៃនៅស្រុកអារញ្ញគឺបានបំបែកសំណុំរឿងជនល្មើសជនជាតិថៃ៣នាក់ដែលបានប្រព្រីត្តរំលោភបូកលើយុវតីពលការិនីខុសច្បាប់ម្នាក់បានសម្រេចនិងប៉ុនប៉ងរំលោភជាច្រើននាក់ទៀត។ បុរសជាមេខ្យល់នាំពលករខុសច្បាប់ជនល្មើស ៣ នាក់នោះមាន ១:ឈ្មោះភើន ខាំងឿន អាយុ ៣០ឆ្នាំ។២:ឈ្មោះ ថះណាក់កន ឌីមី អាយុ ៣១ឆ្នាំ និង ៣:ឈ្មោះ ឧថៃ ណងផា អាយុ៣៣ ឆ្នាំ។
នៅយប់ថ្ងៃទី ២១កក្កដា ពួកគេ(ជនល្មើស)បានមកនាំពលការិនីខុសច្បាប់ជនជាតិកម្ពុជាចំនួន ៦ នាក់ជិះក្នុងរថយន្តពីច្រករបៀងព្រំដែនថៃ-កម្ពុជា តែបានកុហកថា សមត្ថកិច្ចថៃស្ទាក់ចាប់ សុំអោយពលការិនី ៤នាក់ចុះពួនតាមផ្លូវសិន ។ បន្ទាប់ពូកគេបានយកតែពលការិនីមានរូបសម្រស់ស្អាតនិងក្មេងៗ ២ នាក់យកទៅជាមួយដើម្បីយកទៅរំលោភនៅសណ្ឋាគារមួយនៅអារញ្ញ គឺរំលោភបូកលើនាង រំដួល(ឈ្មោះអ្នកនិពន្ធដាក់អោយ) ព្រោះនាងក្មេង ស្អាតមានអាយុទើបតែ១៥ ឆ្នាំ ។នាងមានលំនៅភូមិ/ឃុំអង្គរាង ស្រុកកំពង់លាវ ខេត្តព្រៃវៃង ។ ឯ នាងចាន់ ថេម អាយុ២៣ ឆ្នាំ លំនៅភូមិ/ឃុំកំពង់ឬស្សី ស្រុកពាមរក៍ខេត្តព្រៃវៃង បានរត់រួចខ្លួនទាំងព្រលីងចុងសក់។
ចំណែកពលការិនី៤នាក់ទៀត ក៏រត់រួចយទៅប្តីងសមត្ថកិច្ចថៃអោយជួយ។ តម្រួត ទាហានថៃបានស្រាវជ្រាវចាប់ជនល្មើស៣នាក់ដូចខាងលើនៅយប់ដដែលនោះ។ លោក អ៊ុំ សុផលអធិការនគរបាលក្រុងប៉ោយប៉ែត អោយដីងថា:ជនរងគ្រោះស្ថិតនៅក្នុងទីដីថៃនៅឡើយ ហើយអង្គភាពលោកកំពុងរង់ចាំទទួលបញ្ជាពីថ្នាក់លើនិងកិច្ចសហការពីភាគីថៃដើម្បីទទួលជនរងគ្រោះ ៕
មតិយោបល់