អង់គ្លេស ៖ យោងតាមសារព័ត៌មាន ម៉េត្រូ បានចុះផ្សាយឲ្យដឹងថា ក្លិបបិសាចក្រហម Manchester United បានដាក់សំណើរ នូវទំហំទឹកប្រាក់ ៤៧,៤ លានផោន ដើម្បីទិញកីឡាករ Arturo Vidal ពីក្លិប Juventus ។
ខ្សែបម្រើសញ្ជាតិឈីលី មានទំនាក់ទំនងយ៉ាងខ្លាំង ជាមួយនឹងក្លិបបិសាចក្រហម ហើយពេលនេះដែរបិសាចក្រហម បានដាក់សំណើរជាមួយនឹងប្រាក់ដ៏ច្រើនលើសលប់ ដើម្បីផ្ទេរកីឡាកររូបនេះ ។
សារព័ត៌មាន Gazzetta Dello Sport បានឲ្យដឹងថា លោក Louis Van Gaal បានដាក់សំណើរ ដល់តំណាងកីឡាករ Vidal ដែលធ្វើឡើងនៅសប្តាហ៍នេះ ដោយការបង្ហាញនេះដើម្បីឲ្យក្រុម Juventus ធ្វើការពិចារណា ។
លោក Van Gaal បានពេញចិត្តពេញថ្លើមនឹងកីឡាកររូបនេះ ក្នុងមុន និងក្រោយ World Cup មកម្លេះ ។
ជាមួយនឹងគ្នានេះដែរ ក្លិប ហង្សក្រហម និង កាំភ្លើងធំ ក៏បានព្យាយាមល្បួង កីឡាកររូបនេះផងដែរ តែខាង Juventus មិនបានពិរចារណាឡើយ៕
មតិយោបល់