អង់គ្លេស៖ យោងតាមសារព័ត៌មាន វីគី បានចុះផ្សាយឲ្យដឹងថា ក្លិប Everton បានអះអាង ដោយបានចុះហត្ថលេខា យកខ្សែបម្រើ Muhamed Besic ពី ក្លិប Ferencvaros ។
កិច្ចព្រមព្រៀងនេះដែរ ជិតបញ្ចប់នៅចុងសប្តាហ៍កន្លងទៅ ជាមួយនឹងអ្នកចាត់ការ Roberto Martinez សង្ឈឹមថា វានឹងបញ្ចប់នៅសប្តាហ៍នេះ ។
ឥឡូវនេះដែរ កិច្ចព្រមព្រៀងនេះ ត្រូវបានអះអាងថា បញ្ចប់រួចរាល់ហើយ ជាមួយនឹងកីឡាករសញ្ជាតិប៊ូស្នៀ ដោយចុះកិច្ចព្រមព្រៀងរយៈពេល ៥ ឆ្នាំ ជាមួយនឹងពហុកីឡដ្ឋាន Goodison Park ។
Martinez បានប្រាប់គេហទំព័រក្លិបថា “កីឡាករ Muhamed Besic ជាកីឡាករវ័យក្មេង ដែលមានការអភិវឌ្ឍន៍ ទម្រង់លេងយ៉ាងខ្លាំង នៅពីរដូវកាលចុងក្រោយនេះ ។ គាត់ជាអ្នកលេងខ្សែបម្រើកណ្តាល និងជាខ្សែបម្រើការពារដ៏មានកម្រិតមិនគួរឲ្យជឿមួយ” ។
ជាក់ស្តែង អ្វីដែលគាត់បានបង្ហាញក្បាច់លេងរបស់ខ្លួន នៅ World Cup សម្រាប់ជាតិខ្លួន ប៊ូស្នៀនោះ គឺយើងឃើញថា គាត់ជាកីឡាករអាជីពដែលមានចរិកចាស់ទុំ ដោយមានបច្ចេកទេសលេង ដ៏មានទេពកោសល្យ ខ្លាំងណាស់ និងសង្ឈឹមថាអាចជួយជ្រោង Everton ឡើងលំដាប់កំពូល ៕
មតិយោបល់