អ៊ីតាលី ៖ខ្សែការពារក្លិប Inter Milan ថ្មី កីឡាករ Nemanja Vidic ដែលជាអតីតកីឡាករបិសាចក្រហម បានអំពាវនាវឲ្យក្លិបចុះហត្ថលេខា ជាមួយនឹងអតីតមិត្តរួមក្រុមបិសាចក្រហម Javier Hernandez ។
កីឡាករ Nemanja Vidic ត្រូវបានផ្ទេរទៅកាន់ ក្លិប Inter Milan នៅពេលដែលផុតកុងត្រាជាមួយនឹង ក្លិបបិសាចក្រហម កាលពីខែ មិថុនា ហើយក៏សង្ឈឹមថា ខ្សែប្រយុទ្ធ Javier Hernandez នឹងចូលរួមលេងជាមួយនឹងគាត់នៅ San Siro ។
ក្លិប Inter នៅរដូវកាលនេះ កំពុងសស្រាក់សស្រាំ ផ្ទេរកីឡាករ ដោយក្នុងនោះក៏មានទំនាក់ទំនង ជាមួយនឹង Fernando Torres និង Edin Dzeko ផងដែរ។
កីឡាករ Vidic បានប្រាប់ដល់ La Gazzetta dello Sport ថា “កីឡាករ Javier Hernandez បានធ្វើរឿងដ៏អស្ចារ្យមួយចំនួន ដោយស្វែងរកគ្រាប់បាល់ជូនក្លិបបិសាចក្រហម ក្នុងអំឡុងពេលគ្រប់គ្រងដោយលោក Sir Alex Ferguson គាត់ជាខ្សែប្រយុទ្ធដ៏ខ្លាំង ” ។
ក៏ប៉ុន្តែ លទ្ធផល នៅមិនទាន់បានការឆ្លើយតបពី ក្លិប Inter Milan នៅឡើយនោះទេ ៕
មតិយោបល់