អេស្ប៉ាញ ៖ នាយករបស់ក្លិបយក្សអេស្ប៉ាញ Real Madrid លោក Emilio Butragueno បានចុះ
កុងត្រាថ្មី ជាមួយនឹង James Rodriguez ដើម្បីក្លាយជាអ្នកលេងរបស់ពហុកីឡដ្ឋាន Bernebeu ។
កីឡាករ James Rodriguez គឺជាអ្នកលេងដ៏ល្អបំផុត ក្នុងអំឡុងពេល World Cup នៅប្រេស៊ីល ឲ្យកូឡ៊ុំប៊ីកន្លងមក នេះ ដោយខាងក្លិបអធិរាជស Real Madrid បានទិញ ពីក្លិប Monaco ក្នុងតម្លៃ ៧១ លានផោន ប្រហែល ១២០ លានដុល្លារ ដោយកុងត្រារយៈពេល ៦ ឆ្នាំ ។
កីឡាករសញ្ជាតិកូឡ៊ុំប៊ី ត្រូវបានលោក Emilio Butragueno យល់ឃើញថា “គាត់ជាកីឡាករវ័យក្មេង និងមានជំនឿចិត្តលេង យ៉ាងរលូន ក្នុងតួនាទីថ្មីរបស់គាត់ ដែលស្ថិតក្រោមការដឹកនាំរបស់ Carlo Ancelotti នៅរដូវកាលនេះ” ។ គាត់ជាកីឡាករ វ័យក្មេងបំផុត ដែលខាងក្លិប Real Madrid ត្រូវការ គាត់ ហើយសង្ឈឹមថា គាត់អាចនឹងជួយឲ្យ ក្លិបឈ្នះពានជាបន្ត និង ដណ្តើមពានមកវិញ ផងដែរ ៕
មតិយោបល់