អេស្ប៉ាញ ៖មេធាវីការពារក្តី Messi កាលពីថ្ងៃចន្ទកន្លងទៅនេះ បានច្រានចោល នូវសំណើររបស់ព្រះរាជអាជ្ញា ដែលបានទម្លាក់ការចោទប្រកាន់ នៃការក្លែងបន្លំពន្ធប្រឆាំង នឹងកំពូលខ្សែប្រយុទ្ធ Lionel Messi របស់ក្លិប Barcelona ដោយបានបញ្ជាឲ្យស៊ើបអង្កេត ៣ ករណី នៃការគេចបង់ពន្ធលើប្រាក់ខែ ។
សេចក្តីថ្លែងការណ៍នេះបានចេញដោយ តុលា នៅ Gava ទីក្រុង Barcelona ត្រូវបានហៅដំបូងដោយ ព្រះរាជអាជ្ញា ឲ្យស៊ើបអង្កេត លើករណី កីឡាករ Messi និង ឪពុក ដើម្បីឲ្យឆ្លើយ ទាក់ទិននឹងបញ្ហាទាំងនោះ ។
កាលពីខែ មិថុនា ករណីនេះ ត្រូវបានឲ្យដឹងថា ព្រះរាជអាជ្ញា បានយល់ព្រមទម្លាក់ ករណីក្លែងបន្លំពន្ធ លើ កីឡាករ Messi និង ឪពុក ។
កីឡាករ Messi និង ឪពុក Jorge Horacio Messi គឺស្ថិតនៅក្រោមការស៊ើបង្កេត ដោយចោទប្រកាន់ការបង់ពន្ធ ៥,៣ លានដុល្លារ ចាប់តាំងពីឆ្នាំ ២០០៧ ដល់ឆ្នាំ ២០០៩ ។
ក្នុងនោះ កាលពីខែ សីហា ឆ្នាំ ២០១២ ឪពុករបស់ Messi បានធ្វើការចំណាយ ជាង ៥ លានអឺរ៉ូ ប្រហែល ៦,៦ លាន ដុល្លារ ដើម្បីគ្របដណ្តប់លើការចោទប្រកាន់នោះ ។
ថៅក្រមរបស់ Messi បានច្រានចោលថា “វាមិនចាំបាច់ ឲ្យកីឡាករ Messi ដឹងពេញលេញ នៃការប្រតិបត្តិរបស់ក្រុមហ៊ុន គណនីឡើយ ហើយក៏គ្មានបំណងបោកប្រាស់នោះដែរ” ។
កន្លងមក រដ្ឋមន្ត្រីក្រសួងហិរញ្ញវត្ថុ លោក Cristobal Montoro បានព្រមានដល់កីឡាករបាល់ទាត់ គួរតែធ្វើឲ្យប្រាកដប្រជា ជាមួយនឹងប្រាក់តម្លៃខ្លួន លើការបង់ពន្ធរបស់ពួកគេ ៕
មតិយោបល់