យោងតាមទំព័រ usatoday ចុះផ្សាយនៅថ្ងៃទី ២៩ ខែ កក្កដា នេះ បានឲ្យដឹងថា ប្រាក់ចំណូល ក្លិប Barcelona ទទួល បាន ៥៣០ លានអឺរ៉ូ ប្រហែល ៧១១ លានដុល្លារ អាមេរិក ក្នុងរយៈពេល ១ ឆ្នាំកន្លងទៅ ដោយចំណេញបានតែ ៤១ លានអឺរ៉ូ ប្រហែល ៥៥ លានដុល្លារ តែប៉ុណ្ណោះ ។ នេះបើតាមការប្រកាសរបស់ក្លិប កាលពីថ្ងៃអង្គារ ។
លោក Javier Faus អនុប្រធានប្រតិបត្តិក្លិប Barcelona ដែលទទួលបន្ទុកផ្នែកហិរញ្ញវត្ថុ បានបង្ហាញរបាយការណ៍ប្រចាំឆ្នាំ សម្រាប់ ២០១៣ – ២០១៤ ដោយបាននិយាយថា បំណុលក្លិប បានកាត់បន្ថយ ៤៤ លានអឺរ៉ូ ក្នុងតួរលេខ ២៨៧ លានអឺរ៉ូ ។
អនុប្រធានរូបនេះបានបន្ថែមទៀតថា ចាប់តាំងពី លោកបានចូលកាន់តំណែង កាលពីឆ្នាំ ២០១០ បំណុលរបស់ក្លិប បានកាត់បន្ថយសរុបចំនួន ១៤៣ លានអឺរ៉ូ ដោយក្លិប Barcelona ដែលស្ថិតនៅចំណាត់ថ្នាក់ទី ២៤ បានឡើងមកកាន់ចំណាត់ថ្នាក់ទី ២ ដែលជាក្លិបមានជាងគេ ដាក់ចំណាត់ថ្នាក់ដោយ Forbes ។
បញ្ជាក់ផងដែរថា ចំណូល ចំនួន ៧១១ លានដុល្លារ នេះដែរ បានមកពីការលក់សំបុត្រ ចូលរួមទស្សនា ដៃគូផ្សព្វផ្សាយ និង ការចំណេញពីការលក់កីឡាករជាដើម ៕
មតិយោបល់