អង់គ្លេស ៖ក្លិប Everton បានបញ្ចប់ការចុះហត្ថលេខា យកខ្សែប្រយុទ្ធ Romelu Lukaku ពីតោខៀវ ក្នុងតម្លៃ ២៨ លាន ផោន ប្រហែល ៤៧ លានដុល្លារ ដោយកុងត្រារយៈពេល ៥ ឆ្នាំ ។
កីឡាករ វ័យ ២១ ឆ្នាំ បានចំណាយ ពេលលេងក្នុងលក្ខណៈខ្ចីជើង នៅ Goodison Park កាលពីរដូវកាលមុន ដោយស្វែងរកគ្រាប់បាល់បាន ១៥ គ្រាប់ ក្នុងចំណោម ៣១ ប្រកួត និង លេងឲ្យ West Bromwich Albion បាន ៣៥ ប្រកួត ស្វែងរកបាន ១៧ គ្រាប់ ក្នុងលក្ខណៈខ្ចីដូចគ្នា ។
កីឡាករ សញ្ជាតិប៊ែលហ្សិករូបនេះ បានឲ្យដឹងថា “ខ្ញុំពិតជាសប្បាយរីករាយខ្លាំងណាស់ ជាមួយនឹងការចូលរួមលេងសារជាថ្មី នៅក្លិប Everton ” ។
បញ្ជាក់ផងដែរថា កីឡាករ Romelu Lukaku បានចូលរួមលេងឲ្យតោខៀវ នៅខែ សីហា ឆ្នាំ ២០១១ ដោយទិញពីក្លិប Anderlecht ក្នុងតម្លៃ ១៨ លាន ផោន ប៉ុន្តែលេងបាន ១៥ ប្រកួតតែប៉ុណ្ណោះ នៅតោខៀវ ត្រូវបញ្ឈរជើងរហូត ៕
មតិយោបល់