ខេត្តកំពង់ឆ្នាំង៖ សាលាដំបូងខេត្តកំពង់ឆ្នាំង បានសម្រេចឃុំខ្លួនជនសង្ស័យម្នាក់ដាក់ក្នុងពន្ឋនាគារខេត្តកាលពីល្ងាចថ្ងៃទី ៣១ ខែកក្កដា ឆ្នាំ២០១៤នេះ ដោយចោទប្រកាន់ពីលួចរំលោភប្រពន្ឋគេបានសម្រេច កាលពីវេលាម៉ោង ១០និង៣០នាទីយប់ថ្ងៃទី២៩ ខែកក្កដា ឆ្នាំ២០១៤ នៅភូមិអ្នកតាហាង ឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង ។
លោកវរៈសេនីយ៏ត្រី ឌុច ចំរើន នាយការិយាល័យ នគរបាលព្រហ្មទណ្ឌកំរិតធ្ងន់ នៃស្នងការនគរបាលខេត្តកំពង់ឆ្នាំង បាននិយាយអោយដឹងថា ជនសង្ស័យដែលតុលាការសម្រេចឃុំខ្លួន នោះមាន ឈ្មោះ ជឹម បឿន អាយុ២៩ឆ្នាំ មានទីលំនៅខេត្តកណ្តាល តែមកបានប្រពន្ឋនៅភូមិឃុំកន្លែងកើតហេតុ ខាងលើខណៈបានមកធ្វើជាកម្មករឡឥដ្ឋនៅទីនោះ ចំណែកស្ត្រីរងគ្រោះមានអាយុ២៤ឆ្នាំ មានប្តី និងកូន២នាក់ កូនប្អូនទើបមានអាយុ៤ខែប៉ុណ្ណោះ ។
លោកបានបន្តថា នៅមុនពេលកើតហេតុ ជនសង្ស័យខាងលើនេះបានផឹកស៊ី ជាមួយមនុស្ស៤-៥នាក់ អស់ស្រាចំនួន៤លីត្រ ។ ក្រោយពេលស្រវឹងជនសង្ស័យបានត្រឡប់ទៅផ្ទះវិញ ពេលទៅដល់ផ្ទះបានប្រើប្រពន្ឋកោសខ្យល់អោយ តែប្រពន្ឋមិនកោសខ្យល់អោយទេ ព្រោះទើបឈ្លោះគ្នាពីថ្ងៃ ។ បន្ទាប់មក បុរសជាជនសង្ស័យរូបនោះបានដើរទៅផ្ទះស្ត្រីរងគ្រោះ ខណៈដែលប្តីគេមិននៅ គឺទៅដេកយាមនៅឡឥដ្ឋ ហើយបានលបឡើងចូលមុងទៅរំលោភស្ត្រីរងគ្រោះរហូតបានសម្រច ព្រោះស្ត្រីរងគ្រោះបានច្រឡំស្មានថាជាប្តីរបស់ខ្លួន ប៉ុន្តែមុនពេលចេញទៅវិញ ស្ត្រីរងគ្រោះមានការសង្ស័យបានបើកភ្លើងអាគុយ
មើល ទើបដឹងថាមិនមែនជាប្តីរបស់ខ្លួន ហើយក៏មិនហ៊ានមាត់ ក អីដែរ ព្រោះយល់ថាចាំស្អែកនិងប្តឹងសមត្ថកិច្ច ។ ប៉ុន្តែប្រហែលជាង១ម៉ោងក្រោយមក ស្រាប់តែឃើញជនសង្ស័យខាងទៅលបបើកមុងចូលទៅបម្រុងរលោភម្តងទៀត ពេលនោះស្ត្រីរងគ្រោះក៏បានស្រែកផ្អើលអ្នកជិតខាង ហើយមានមនុស្សជាច្រើននាក់ បានស្ទុះចូលមក ឃើញជនសង្ស័យចេញពីក្នុងមុងស្ត្រីរងគ្រោះរត់ត្រឡប់ទៅផ្ទះវិញ។លុះស្អែកឡើងថ្ងៃទី ៣០ ខែកក្កដា ជនសង្ស័យត្រូវចាប់ខ្លួនតាមពាក្យបណ្តឹងស្ត្រីរងគ្រោះ យកមកកាន់ស្នងការដ្ឋាន និងបានក៏សាងសំណុះរឿងបញ្ជូនទៅតុលាការត្រូវតុលាកាសម្រចឃុំខ្លួននៅវេលាម៉ោង
៥ល្ងាច ថ្ងៃទី ៣១ ខែកក្កដា តែម្តង ។
លោកប្រធានការិយាល័យបានបន្តថា តាមចម្លើយសារភាពរបស់ជននេះ ក្រៅពីប្រព្រឹត្តអំពើមិនគាប់បី ជាមួយប្រពន្ឋមិត្តភក្រ័ជាកម្មករជាមួយគ្នា កាលពីនៅខេត្តកណ្តាលធ្លាប់មានទោសពីបទរំលោភដូចគ្នានេះដែរ ហើយបានគេចមកធ្វើជាកម្មករឡឥដ្ឋនៅខេត្តកំពង់ឆ្នាំង និងនៅមិនចោលមាយាទចាស់ត្រូវចូលគុកម្តងទៀត៕
មតិយោបល់